我剛剛去完日本, 點解由香港去東京, 用4個鐘, 返來要5個多鐘呢?

類似呢個問題以前有人問過，給出嘅答案亦正確: 噴射氣流。
http://hk.knowledge.yahoo.com/question/?qid=7006051101919

呢個問題同時差無關。亦同地球嘅自轉冇直接嘅關係（正如樓主所補充，用地球自轉推論，只會得出同事實相反嘅結論）。

首先講啲事實，然後再講詳細啲。
１：　香港嘅座標係　北緯20度　東經11度，　而東京嘅座標係　北緯40度　東經45度。即係話香港喺東京嘅西南嗰度。

２：　香港－＞東京，夏天嘅飛行時間4小時10分，冬天3小時50分
東京－＞香港，　夏天嘅飛行時間4小時35分，冬天5小時5分（JAL嘅班次）
即係話無論夏天定冬天，東京返香港都比香港去東京需要多啲時間。而冬天呢個差別會增大。

３：　喺北半球，從北緯20度至北緯50度左右(啱啱喺香港同東京之間)，高度大約１１km嗰度（此高度係民航機嘅巡航高度）有一條環繞地球，從西向東吹嘅強風帶，稱為亞熱帶噴射氣流（subtropical　jet　stream）。

４：　噴射氣流嘅風速：夏天大約時速１６０公里，冬天達時速４８０公里，仲勁過打十號風球！冬天時速大啲，主要係因為陸地同海洋嘅溫度差喺冬天會增大。

香港去東京，向東北飛，所而順風，快啲。東京返香港，向西南飛，逆風，慢啲。由於冬天噴射氣流嘅風速加大，令兩者所需嘅時間差亦加大。

另外，香港 －> 東京 同 東京 －> 香港嘅航路略有不同, 東京 －> 香港的航路較為轉折。但主要原因仍然係噴射氣流。

時差的問題

其實同時差季節一啲關係都無，原因是地球的自轉，去的時候地球是逆時針轉，飛機是順時針飛，所以只需4小時；返來時地球是逆時針轉，飛機亦是逆時針飛，所以需時5小時。
(記住地球要自轉及公轉才有日、夜、四季)

相信你所指的是飛行時間，飛行時間係同時差冇關係的，因為只係計你架機起飛到降落所需的時間。
去要大概四個鐘，返來要多d，係因為順風同逆風的問題。冬季由日本返香港一般都係比較長，如果你夏天去，情況就會相反。

時差關係, 嚴格地香港與東京1.5個鐘, 方便起見1個鐘, 因此返來要多1個鐘