第一次有咗~~~~我好怕痛的

梗係唔可以唔驗啦......你都想知道bb身體健康嗎??會唔會出生後有什麼問題?
所以最好去醫院定期檢查...醫生會安排時間俾你去覆診...以保大少安全
生bb方法有2種...
順產or開刀生仔........順產生仔一定會痛架啦...有幾痛就睇個人而定既...
通常盤骨大就會沒咁痛....盤骨細就痛de...但通常生完幾日後就會沒咁痛...
好快好返....如果開刀生個時...你可以全身麻醉or下半身麻醉..我覺得下半身麻醉會好好多..
因為生個陣醫生會係你尾龍骨同你打麻醉針...一定痛架啦...但生個陣唔痛囉...
但生完個十幾日...就會日日痛囉......仲要係好痛..因為沒晒de藥力...
其實最好問醫生啦....佢一定會幫你睇...同介紹你去一些婦產科..聽下de講座...

唔驗血點知你身體某d情況(如血糖果d)如何呢?我果時大肚,係每次去產檢都要抽血的...痛唔痛?睇護士手勢...有d護士好既,抽左都唔覺...有d護士差既,抽完我成隻手'瘀"左個幾星期.
講真,我怕痛架,平時打針我都叫晒救命...但係大肚之後,打針就唔係好怕啦..因為發現真係越怕越痛的..反而放鬆心情就冇問題..而且護士多數都會同你傾計分散你注意力..只要你專心同護士傾計,唔好諗住打針...咁就唔會太痛架啦(除非個護士手勢好差)

而你問邊個生bb既方法最唔會痛...係冇架...就算做無痛分娩...都係陣痛到死,到差唔多生得先做...但係我想講..生仔時最痛既時刻唔係生果下..而係之前既陣痛.不過,如果你想陣痛既時間少d,同冇咁痛呢..你可以多d做運動,行多d樓梯等等,都對你生產有好大幫助架...我有個同事,生女女前一日重返緊工...到生果朝先打返公司請假,唔駛2個鐘就打黎報喜..而我生仔仔時,因為勁嘔,所以差唔多一有左就係屋企休息,少運動,好似病人咁(因為一日嘔十幾次,食乜嘔乜)...結果,我陣痛左30個鐘仔仔先出世..我重要陣痛左10幾個鐘都開得2度,護士開口問我係咪少運動...之後我即時捉住我老公...痛住去散步...之後先開得快d咋~_~...所以正常既生活同適量既運動好緊要的...
係你陣痛期間,醫院都會提供"笑"氣,或幫你打止痛針..如果可以既就揀"笑"氣,因為比止痛針有用..."笑"氣可以kept住一覺得痛就吸下,但係打針要隔4小時先打得一次...

一定要去驗血，在抽血時你可以同護士講你好怕痛或者佢會就住你。
生仔一定痛，無論你用甚麼方法，只是痛多或少。 記住你要做媽咪了，少少苦楚等於激勵。

我依家有左四個月喇...
抽血都抽左成3次喇...
第一次就係健康院抽既(大約幾時咁就睇返你幾時去健康院啦)...,佢會驗你有無遺傳性個d病啦,aids啦,麻疹抗體啦..等等...
第二次呢.(大約12-16週).就係去左照oscar...即係驗早期性唐氏綜合症呀..
第三次呢.就係去醫院驗血(大約3-4個月大啦)..就會抽血驗糖尿囉...

至於生bb喇啵..如果你怕痛,係可以無痛分娩既...
係要你吸好似叫做"沼氣"既野..(唔知個"沼"字點打)
咁個作用就好似止痛咁囉..都ok架..
仲有.如果怕痛就4個月之後行多d喇..儘量唔好開刀..
因開刀,傷口會好痛架....所以一定要行多d..知嗎

其他呢..因為我仲未知...哈~~答咁多唔知得唔得呢