✔ 最佳答案
由好至差排:
1) 板前壽司 (最好) - 魚生較新鮮、鮮甜;炸物亦唔似炸餸頭餸尾感覺,已經其他嘢例如麵鼓湯都正。但係食飯時間要等個幾兩個鐘。
2) 元氣壽司 (第2選擇) - 魚生都OK鮮甜,不過比板前遜色。口味較港式化,味道算係中上級。食set會抵食。炸物都雖然OK好食,但似有啲俾餸頭餸尾你食咁…仲有個好處喺綠茶粉任添。我次次都沖杯綠茶沖到好濃。鍾意仲可以買綠茶粉返屋企。
3) 元祿 - 味道麻麻哋,比超巿壽司只係好少少咁多,魚生唔夠鮮味。去都係為咗換公仔。e.g 以前麥嘜手卷毛公仔;Monchichi毛公仔
4) 北海道活壽司 - 味道麻麻,但係價錢卻係4間壽司舖中最貴 (貴10%-50%) …所以我排最後
其他3間價錢差唔多。
2007-02-27 23:34:40 補充:
我自己覺得一舊壽司好唔好食決定於:1) 材料; 2) 用飯如果材料 (海鮮)唔好一定大打折扣我自己鍾意食o既壽司店:1) 板前 - 理由同上2) 和花亭 - 味道特別,炸物最好食 (落order熱嗰啲,唔好攞壽司軌凍嗰啲)3) 峰壽司 - 用料好,味道鮮甜。不過個人口味唔太鍾意佢個壽司飯徧酸