股票買賣戶口?

匯豐銀行的戶口係要多d錢先開得架，亦要 keep 住錢係匯豐度，樓上的朋友都大約講左少少收費喇。舛建議你去中銀香港/南洋商業銀行/集友銀行，佢地d股票戶口收費唔錯架。你要親身去中銀任何一間分行開股票戶口 (證券戶口..其實佢地呢隻叫做證券戶口，所以證券/投資的交易都經此戶口買賣的，例如：股票/債券/基金)
除左開股票戶口，重要開個儲蓄戶口或支票戶口作為結算戶口 (settlement account)，咁你買入股票同沽出股票的錢都會係呢個戶口扣數同入數既。去到銀行，同個職員講你想開儲蓄戶/支票戶口、股票戶口、同埋用電話/網上銀行買股票，d職員幫你攪架喇。你去開戶口，就要帶：
1. 身份證;
2.住址證明 (一般要三個月內);
3. 錢 (用黎開 savings/ current 戶口)


中銀開股票戶口，如果你冇買賣，戶口冇股票，基本上完全冇費用，連其他 戶口既最低存款額都冇 min balance (因為有股票戶口，所以savings account 既最低存款額都豁免咗架)

買賣股票服務收費方面，可以 click 入下列網址參考，太長喇，我唔 copy 出黎喇
http://www.bochk.com /web/common/wide_mul ti_section.xml?secti on=investment&le vel_2=services_charg es&fldr_id=499

值得提一提的是中銀既收費係:
每筆網上/電話交易(不經人手接聽) commission 係 0.15% (標準係0.25%，一路都話係優惠期內會係 0.15%，個優惠期一路都冇stop，我自己都用左三年)，呢個係用家先知架，因為我自己都用緊！


其他銀行一般都收 0.25% (匯豐同恆生都係) ，而有d理財戶有少部份收 0.125% ，但係最低收費要 $100 蚊，而且個理財戶要 keep 大額既存款係度，咁交易金額唔太大，現金唔多既話，中銀都算好抵 (如果你係中銀開理財戶口，comm 都有計 0.125% min 80)


中銀網上每月都有 500 次免費詳細報價，如果係用簡易報價 ，基本可以任查 ，
詳細報價好好用，有股票既所以基本資料，有新聞，相關認股證、買入/沽出盤之數量/金額、市場成交等等

登入網上理財去睇股票資料，大路資料有好多，如：主要指數 (恆指、國企、中企、創業版等)、市場新聞、最活潑港股(成交額、成交量等)，好多資料睇

如果有買賣 (交易金額累計大於 $50,000)，就加 200 次，比多d機會你緊貼市場動勢！

另外，中銀網上、電話都有新股認購服務，上網 click 就可以認購，收費只收 $50.00 (中銀理財戶口免費架)，如果你想融資買股票，中銀重有網上融資，即係於網上申請借錢買股票 (一般要比 margin 10%)，真係好方便架。

所以我推介中銀囉，我自己都用緊！


希望幫到你

你似賣廣告多d...

我估你講匯豐果d, 係all-in-one既戶口. 我以前有"運籌"戶口, 你包埋股票戶口既. 不過你要注意, 匯豐俾一般銀行每次交易收多三十元. 因為咁, 我係中銀開左個股票戶口, 如果你本身係中銀有戶口, 去填表就加到架啦. 新開戶口,係咁意入少少錢入去啦. 我朋友上次就用一千元係中銀開左. 另外, 好多人都推介恆生, 可能都係因為有出糧戶口係果度啦.

開戶要帶近3個月既住址証明, 身分證, 開戶的現金. 銀行會同你做份風險評估既問卷. 俾你自己知返你係邊類型, 簽好開戶文件就可以架啦

創興銀行收費便宜而股票戶口是沒有儲倉費用的.

您可去匯豐開運籌戶口, 裡正包含有支票, 股票及儲蓄, 無最低消費, 但如果您資產不夠10萬, 銀行要收取HKD20.00手續費, 如果超出10萬就唔收, 此戶口亦可以申網上銀行,可以即時知道有關股票行情及免費股票報價, 同埋自已資產分佈及MPF.....等, 亦可以自已進行股票買賣, 真係好好方便!!! 您可以考慮吓! 謝謝!