車路士 四冠王

我估計車路士要成為四冠王既機會好微。
雖然佢地剛剛捧左聯賽盃，不過泰利既受傷令人好擔心。
聽報導講佢入醫院 check 完話冇事，當晚已經可以同 d 隊友一齊慶祝，
聽完都安落好多。
可以話，泰利響車仔既重要性係不容置疑既，如果佢有咩事，
車仔既防線有好大影響。
佢地聯賽成績落後曼聯咁多，好大原因都係季中，
泰利 同 施治 一齊受傷，兩大後防重將同時缺陣，果段時間失分太多。

依家車仔已經傷兵滿營，如果泰利再有傷，夾硬要艾辛移落打中堅，
效果始終只係一般 (但係冇更好選擇)。

而另一中場主將林柏特，今年狀態徘徊，一直唔能夠帶起隊波，
亦係令人擔心。
依家隊中各人，都係憑各自既個人質素同對手周旋，
對住一級強隊可能會力有不悌。

小弟既見解：

聯賽冠軍　機會：★
比曼聯打小一場，但落後 9分。
之後除左對曼聯一場關鍵對賽，仲要對熱刺、作客阿仙奴，
賽程比曼聯更難打。
要追上既機會微乎其微。

足總盃　機會：★★★★
打到現階段，最大機會點都係三大球會：車路士、曼聯、阿仙奴。
車仔八強戰會主場對今年表現下降既熱刺，正常應該可以再進一級。
而曼聯、阿仙奴都要多打一場重賽先決定到八強席位，
所以點都係秤高車仔多少少。

歐聯冠軍　機會 ：★★★1/2
雖然馬會現時將車仔捧成頂頭大熱，不過個人認為唔算太值得。
當然，巴塞主場現時落後，如果有乜差池，係會少左一個主要對手。
不過，除左巴塞，其他仲有好多強隊要應付。
曼聯、國米、里昂、燕豪芬 都各自響自己既聯賽領先，點都唔可以睇小。
(仲有些路迪都係，不過呢隊單靠主場搵食，冇乜機會喇。)


2007-03-01 15:11:06 補充：
阿仙奴響 足總盃 出局,車仔機會更進一步.

無咩可能，泰利傷出，個個都見到車仔沒佢條防線～唉！
足總都有Ｄ可能
英超沒喇
歐聯都沒

嘩..
你就想..
聯賽盃攞左..
但係泰利傷左..
聯賽就好難追到MU..
歐聯就一半一半啦..
足總盃冇乜留意..
所以唔畀意見..

唔睇好,
睇好曼聯三冠王!

用下腦啦!
車路士其實係廢嫁!

車路士剛奪聯賽杯，其中杜奧巴表現神勇，但其實整體發揮一般。於歐冠杯中，作客以一比一逼和波圖，再過一關應該無問題。但在歐冠杯中，還有很多像華倫西亞、國米、利物浦、曼聯、里昂及皇馬等勁旅，爭標形勢並非一面倒，以車路士現時狀態而言，機會是一半一半。至於足總杯，下一回合主場對熱刺，應可再下一城，而奪杯機會亦十分樂觀。聯賽方面，要在餘下十一場比賽追趕現時領先九分的曼聯(多踢一場)有相當難度，很多外國博彩公司亦不看好車路士可再奪聯賽冠軍。