請問重鋪厠所天花批盪之工序

厠所防潮重點, 其實很簡單, 只要開抽氣扇便可.
因為浴室關門後基本上是密封的, 加上你沖熱水涼時, 所產生的大量水蒸氣, 令室溫有所變化溫度上升, 就會形成水份, 導至天花及牆壁濕淋淋, 如你沖凍水涼時情況就唔會咁勁.
開抽氣扇就唔會有此情況出現, 因為開了抽氣扇時, 抽走了部份水蒸氣, 令室溫變化無咁大, 溫度就唔會上升咁多, 就自然唔會攪到天花及牆壁濕淋淋啦, 開抽氣扇的好處, 是可以防止天花受大量的濕氣而引至脫落, 咁咪即係最好的防潮效果.
重鋪厠所天花批盪之施工程序如下 :
1. 用化白水加入淸水塗上天花就容鏟走漆油

2. 用光油油墙身一次

3. 批灰2次

4. 用180號沙紙打磨平滑及淸理乾淨
5. 油啞白底漆一次

6. 油面油2-3次便可
防潮底漆 :
司拿分為水性及油性兩類, 以油司拿較佳.

水司拿是用水稀釋.

油司拿是用松節水稀釋.

光油是用松節水稀釋, 一般裝修工程都是用光油的, 因用途比司拿多.
灰料 :

批灰是批2次, 第1次較粗, 第2次才幼細, 批灰主要目的是把牆壁批平直, 先批天花板再批牆身, 特別留意一些明暗角位及光線位, 因為油漆是見光死的.

菜膠福粉比例如下:
菜膠35%, 福粉55%, 石膏粉5%, 光油或白膠漿5%.

搓灰程序 :
1.先將菜膠加入光油或白膠漿攪合
2.加入8成福粉攪合
3.再加入2成福粉及石膏粉攪好後才加進一起攪合

注意 :
石膏粉是增加硬度.
光油或白膠漿是增加附著力.
新建造的牆是用光油, 舊牆是用白膠漿, 因附著力較好.
牆之寶係已經溝好晒, 即開即用, 非常方便, 是以每包為單位, 用幾多就買幾多.
你亦可以到五金鋪買石膏粉灰或平底漿, 都係 即開即用, 非常方便, 份量較多.視乎需要而定.
啞白底漆 :
啞白底漆比例:70%啞白底漆加入30%白色膠玉磁漆, 1份啞白底漆加入30%松節水攪和便可, 此比例的啞白底漆是目前最好的, 亦有防潮作用, 非常合你的須要.
漆油方面 :
至於用甚麼品牌, ICI 內有好多個牌子, 但水貨多, 巴馬士的沒有水貨, 但比較貴, 日本漆原廠日本制做較好, 市面多數是本地或大陸制做. 而菊花牌就是本地制做.
現時最好是買多功能漆油, 多功能包括有防霉, 抗菌, 防水, 特強附著力等.

如利登 ----- 價錢平, 質素好, 但少顏色選擇.
多樂士 ----- 價錢中, 質素好, 顏色多選擇.
護牆漆 ----- 價錢中上, 質素好, 顏色多選擇, 施工較繁, 合理做價應該高些.
麗明珠 ----- 價錢高, 質素好, 顏色多選擇, 施工極繁, 冇人鍾意做.
巴馬士的 ----- 價錢高, 質素好, 顏色多選擇及色彩較鮮艷, 最大缺點是貴.
日本漆 ----- 價錢高, 質素好, 防水較好, 但太結會髹時掃痕粗.
菊花牌 ----- 價錢中下, 質素好, 顏色多選擇, 施工容易, 是平價漆油中最好.
另想一提, 安裝鋁質假天花都是一個很好的選擇, 因鋁質假天花是不會生秀及脫落的, 但一樣會導至天花及牆壁濕淋淋.
以上資料希望可以幫到你, 如再有問題或不明白請補充!

浴室是濕氣極重的地方,任你怎樣做防潮也難以長久不變,
特別冬天用熱水沐浴時,大量水蒸氣往上升,附在天花板上,
日久了,即使不撲起脫落,也會發霉起灰黑色的點.且現時有
些樓宇,浴室的設計是沒有窗的,只較抽氣扇將室外空氣抽
入,當你用完浴室時,關掉抽氣扇,潮濕的空氣便留在厠所內,
因此厠所天花是十分易發霉的.三兩年便要翻新一次,不如
造鋁質天花,現時的長條鋁天花,一般住家的造價約千五元
左右,且一勞永凂