點解打牌寧叫卡窿，莫叫對碰？

我唔同意樓上各位嘅講法．．．．易估，對死，人地揸住，叫卡窿同叫對碰遇到嘅機會均等，似乎唔合理．

客觀D分析下啦：

假設你叫對碰，兩對牌即係你揸住四隻，假設兩對牌檯面都未出過，咁你有四隻牌可以食．

叫卡窿呢，如果都係檯面未出過，你都係有四隻牌可以食．

響咁嘅情況下，你食糊嘅機會均等．

但係如果叫卡窿，你摸到是但一邊黐住，即刻可以改叫兩頭章，而且換牌唔會好覺，都係假設檯面未出過，咁你就變成有八隻可以食．

不過叫偏章又唔同講法，叫偏章要變成叫兩頭章，要連續摸入兩隻先得，咁就叫對碰好過啦．

叫糊第一係講心水.卡窿同對碰其實一樣係得四隻牌食.
即3.5同有4隻4同食但都係食1隻啫.
叫1.4同對碰有兩隻1同兩隻4同食.但都你食1隻.只不過係範數問題.叫對碰可叫兩範牌.叫卡窿只叫一範牌.就係咁簡單.
其實一樣咁多.食起上嚟叫絕章都食.
計我話.旺家叫卡窿.弱家叫對碰就眞.黑起上嚟叫多範牌都好吖.
但旺起上嚟.叫卡窿絕章仲自摸添.
叫糊嘅嘢.三個字(好難講)你話係咪.

梗係啦, 例如楂住六七萬對碰, 祇要三家有五六七萬或者六七八萬, 您等到天光都無得食, 而且三家見到檯面未出過, 一定唔會打, 但係如果您叫卡窿, 牌面的變化大咗, 出沖機會大咗, 食的機會就會比對碰大.

都係驚有對死既情型出現
由頭叫到落尾唶
不過我都係認為要視當時情況而定。

2007-03-02 06:20:26 補充：
唔同以下果位狗狗既講法如果係想黐多隻叫兩頭張既話叫對咪仲大機會~假設拎住五萬，五索撞中四五萬，四五索都可以叫兩頭張所以你既講法唔係好合理

因為對碰易估，人地見生章/扣牌唔打，你一樣冇得食
對比起黎，卡窿難捉，而且平糊輸少D，所以搏下打都唔緊要
咁你都叫做大D機會食
打牌既野(計錢既話)，要先令自己唔輸，其次先要食糊
你做到機大都好，食唔出一樣冇錢收
如果唔係，點會對對糊三番平糊得一番呢？