我的龜龜病左~~點算呀??

✔ 最佳答案

睇黎你隻龜都係似有病。

佢成日都唔開眼,我見佢隻眼仲好似腫腫地
見到太陽先會開一隻眼,又成日都唔郁唔食野

幼龜抵抗力低，加上龜體本身隱藏有疾病，新手又不適當飼養而令龜兒加速死亡。

一般幼龜死亡原因：1.飼養者放太深水，使龜龜長時間浸於水中，影響牠們肺部呼吸功能，易感染肺炎等等上呼吸道疾病。(其實幼龜各項器官都未發育成熟。)

解決方法：水深只可過腳，餵食時將龜龜放進另一箱子，(加水進食)，食完即放番居住的箱子。(換過清潔的水)

2.水喉水問題：一般幼龜抵抗力低，而水喉水都頗多雜質，容易令龜龜染病。

解決方法：使用人們飲用水，即煮沸過的水，記住要放涼既；或水喉水放隔夜都可，但煮沸過的水好d，至少殺死一些細菌。

另外，於水中加半-1茶匙葡萄糖，讓龜龜喝下，有點能量。

再每日給幼龜晒太陽，做足保暖措施，龜龜安然度過冬天。

巴西龜唔駛天天游泳的，尤其是幼龜。

3.巴西龜唔想睜開眼又唔食野：
原因好簡單，水質問題。唔好睇d水好清澈，其實龜龜隔一陣就柯尿。(柯屎就立即換水)，加上用水喉水有雜質問題，龜龜雙眼受感染引起眼炎/白眼病，覺得痕或痛就自然唔開眼，因而影響食慾。

解決方法：除了立即浸龜藥外，最重要是經常換水，水污濁了及餵食後就要換；水質清潔就沒有眼睛感染的問題。

浸藥程序：每日浸一至四次，落1-2滴龜精靈於水中，水只可過龜腳，水污了馬上倒走，再換水浸過。連續浸一星期，應該好轉，情況差唔多的話，繼續浸藥，直至好番。3星期後病情惡化，速就醫。但bb龜怕且沒得救，好睇龜龜既生存意志。

12月到2月其間佢唔會食野
咁到底係佢有病定係正常呀?

正常健康的龜，呢段期間是冬眠期，可能唔食、可能食少少、可能只是掂下龜糧，都是正常的；但你的龜應該是眼睛疾病而影響佢唔進食，立即浸藥。

個龜殼開始有d凹凸不平咁又代表ｄ乜?
資料不多，估計換龜殼。

仲有佢個口成日開合開合咁
每開一天就有d水出黎,佢條頸又會漲下漲下
個鼻又好似流鼻水咁,,,點算好?

傷風或肺炎。睇描述，龜龜病得算嚴重，你隻龜龜有幾大？龜板長5cm以上建議睇醫生，反之，豆釘bb龜好難醫番好。你可於水中加半-1茶匙葡萄糖，讓龜龜喝下，有點能量。等龜龜覺得舒服d。

我隻龜仔買左番黎唔係好耐，見住一個生命的離去令人好心傷...

新手或養龜經驗少的朋友，不要於中秋後買龜，皆因秋天後龜龜通常會慢慢或停止進食，來不及儲存熱量過冬，會係冬天期間死亡；再者，返賣龜龜的店舖，(有良心既會好d)大多不給足夠食物龜龜，結果導致龜龜來不及儲存熱量過冬，會係冬天期間死亡。

回答 (3)