點樣整一架太陽能車呀!

最簡單既方法就係將太陽能板黐o係架四驅車上面，駁返好正負極就攪掂﹗但係如果要自己一手一腳砌架車出黎，材料可以用CD做「車鹿」，車身可以用萬字夾屈、膠樽、雪條棍…最大要考慮既因素係波箱(齒輪比)問題，尤其是參加比賽﹗因為你參加D乜乜太陽能模型車設計比賽，太陽能板、摩打都係大會指定(提供)，好難話整到個摩打轉快D、電流大D……唯一可以諗就係點可以將個弱雞摩打推得郁部"車"，好多時根本唔夠力尤其係陰天冇乜太陽O個陣﹗如果只係諗住一般細齒推大齒(增加馬力、扭力)都唔夠架﹗點都要用波箱(幾組齒輪)，可以用以前D模型四驅車拆落黎(呢part最緊要﹗根本冇其他方法，除非係訂做)，只要你諗到點固定個摩打，再用埋D幼既車"車鹿"，我保證你架車一定行到同可以行得好快﹗俾多個TIPS你，用愈大既"車鹿"就愈有利，雖然起步會慢D，但係行順左就真係唔講得笑﹗就算冇左陽光，佢本身儲埋位能(個"車鹿"自己本身)都夠架車行一陣﹗