應該要點樣煮/炆牛腩同牛根最好味呢?

以下我要介紹某電視臺節目阿蘇施黃教人炆牛腩同牛筋。不過我唔單止copy俾你睇，而且我自己都有用佢教嘅方法去炆過的確簡單方便又好味，但係我就冇炆過牛筋，因為我喺深圳住，街市唔係經常有牛筋買到所以次次都剩係整蘿蔔炆牛腩，不過我都係要講多一次；阿蘇教嘅方法真係好掂、好簡單、好方便兼好好味。唔信......你可以學吓。

阿蘇語錄
好吃的蘿蔔應是甜的。當你去到街市菜檔，一定要好像選情人一樣，老婆可以老，情人要年青，皮光肉滑。另一個重點是要重身的，輕身的蘿蔔好像我一樣...冇水！
牛腩。冬天多肥牛，一定要找「肥坑腩」。坑腩看似萬里長城的城牆頂，一凹一凸的。我喜歡一買就一塊的買，因為坑腩的尾會連最好的「崩沙腩」。每隻牛只得三四斤「崩沙腩」，所以牛肉不會只賣崩沙腩給你的。「崩沙腩」肉質比較腍，還帶一塊牛筋！不過最重要是不要叫牛肉佬切牛腩，全大塊坑腩要不切的，完整一大塊用薑、出水全塊炆。炆好了，臨吃時才把牛腩切開，這樣牛腩才不會散開。要牛腩腍而不散，重要步驟是炆一會，熄火焗一會，死命炆只會令牛腩死實實或全變散！

蘿蔔炆牛腩
材料
肥坑腩1塊
蘿蔔1個
汁料
花椒2小撮
八角7、8粒
老抽、生抽、冰糖、水適量
烹調步驟
1. 坑腩洗淨、出水、不要切，備用。
2. 蘿蔔去皮，滾刀切成一件件，備用。
3. 用袋裝好花椒、八角，水中加入老抽、生抽、冰糖煮汁。
4. 將汁煮滾，放入牛腩。
5. 煮30分鐘後，跟熄火焗15分鐘。
6. 再煮30分鐘後，熄火焗15分鐘。
7. 加入蘿蔔一齊煮45分鐘即成。
8. 拿出牛腩切開一件件，放回汁內煮滾即可。

...............................................................................................................................

（一）去街市，找個牛肉檔問他有沒有白雪雪旳牛筋，通常掛出來的都被風吹至乾至發黃，所以一定要他取雪櫃內雪白色的才靚。最重要是叫牛肉佬幫你切開牛筋，一件牛筋大概可切開四件。如牛肉佬不理會你，請移玉步到另一個牛肉佬，因為你根本切不來的。
（二）牛筋要先一晚處理。重要的是煲一次，焗一次。因為焗才會令食物變腍，又慳火！一路用明火死命煲，只會愈煮愈死實，或是煮到溶。方法是前一晚先煮、焗，大概三小時牛筋便全腍。將牛筋入雪櫃一晚。
（三）用自製茶包的小袋裝好花椒、八角。
汁滾要試味。不用怕，一面炆一面還可以試味。最重要是開始炆時，汁一定蓋過牛筋。炆就有這個好處，可以試一個鐘頭味！所以這是個初哥！記住最後加入蘿蔔煮四十五分鐘即可上碟。包你吃到嘴「LAM」「LAM」！

蘿蔔炆牛筋
材料
牛筋8條（要牛肉檔放在雪櫃內那些仍是雪白色的）
蘿蔔1大個（要重身的）
汁
花椒兩小撮、八角7粒（用袋裝好）、老抽、生抽、冰糖、水
烹調步驟
1. 牛筋切開洗淨。水滾，放入段及薑片，再放入牛筋，水要蓋過牛筋，煲半小時，熄火，不要開蓋焗30分鐘；重複煲半小時，跟熄火焗30分鐘，直至牛筋腍；盛起後放入雪櫃過夜，備用。
2. 蘿蔔去皮，用滾刀切成一件件，備用。
3. 用自製茶包袋好花椒、八角、下水、加冰糖、生抽、老油，將汁煮滾，放入牛筋，煮30分鐘入味。
4. 熄火，焗15分鐘。重複步驟煮30分鐘，再熄火焗15分鐘。
5. 最後加入蘿蔔一齊煮45分鐘即成。

其實阿蘇講得好啱，格硬死炆啲牛筋腩係真係炆唔腍兼唔好食嘅，因為我都試過。


希望可以解答到您嘅問題啦。Thanks.

http://www.wretch.cc/blog/acintl&category_id=6251470

我早排都搵左好多清湯腩的食譜，我覺得這位blog主牛媽做得不錯，我試過做都ok架。try try...材料好重要，要買坑腩，會淋身，同好食好多。

材料：
牛坑腩兩至三磅
黑胡椒粒一湯匙(略拍)
八角兩粒
羗五至六片
蒜頭三至四粒略拍
白洒酒半杯
冰糖一湯匙

1-牛坑腩飛水，切去油脂部份，放入燉盅內，加入材籽料，加滾水至蓋過牛腩，燉一小時半，下盬調味，再燉半小畤，敢出牛腩，灑上葱花，湯汁隔去油份，淋於牛腩上即成。
喜冬菜者，加人其中令湯底更美味。

(好容易做，我做法，加左幾片當歸，同雞粉。香好多，同時間無大牛so味。)你試下，真係好簡單。
參考資料:
http://hk.myblog.yahoo.com/jw!mN4k4XqUFRIDrxMY6g8K46AHFxVJUw--/article?mid=2998