邊到買Honda/Toyota二手7人車?

二手7人車(toyota picnic 或 honda stream 或 honda stepwagon)不是真的平很多. 我一年前開始睇到年初四, 終於決定買新車. 因為我去了很多個二手車展發現點:1.二手最多不過平2-3萬元 ; 2.sales吹水多過正確, 如告訴我行貨新車價要三十多萬 (正確是2.0cc-hk$248,800; 2.4cc-hk$278,800), 又說六格天幕(stepwagon獨有)所配備的磨沙玻璃是optional車主自費加上的......等等; 3.水貨新車價錢亦同行貨睇齊什或更高但卻少了原廠三年保養, 二手車則由二手車行提供一年保養但必須要回二手車行修理兼包人工唔包零件, 到時拗到一肚氣之餘仲分分鐘俾人劏到一頸血 ; 4.二手車行上會利率極高(leasing-4.5厘,hp-5.5厘)而買行貨新車利率較低(leasing-2.5厘, hp-3.5厘<本人致電美國銀行查詢>), 從中賺取賣車以外的佣金; 5.如透過二手車行買保險就更蝕桌, 以30個ncb夠牌齡為例: 二手車行報價hk$12,000, (新車)車行報價hk$9,888, 本人致電民安保險(全港最大最全面專做一般保險)查詢不過是hk$7,500, 透過新車車行或民安保險買保險(新車)皆可做到頭一年一車賠一車(因車價會跟隨時間而下調, 保險未必可完全cover再買一架新車). 6.何謂有保證的二手車行?? 金濤咁大間都出老千啦! (車行多次售報報細出廠年份入口水貨benz, 後被踢爆, 上晒報, 此非亞爺亞爸的陳年往事, 不過是近一二年間發生); 咩叫已經check過晒?? (咪信二手車行介紹d車房及AA車會, 佢地有利益關係). 以上種種是我由想換車至決定買哪款車(由honda stream...啤梨...toyota picnic...peugot 307sw...到toyota previa或honda stepwagon)至決定買車至決定在哪裡買, 當中歷時二年多; 並走遍九龍灣展貿, 深水埗藍天碧海, 深水埗如街市/屠宰場般幾層高(忘了名稱), 紅堪黃埔花園, 以及很多其他只去了一次位置偏遠如元朗等地; 睇勻要俾錢及入油免費送的車書; 格勻哂價同優惠而得出的結果, 希望可以幫到你少少!! 總之一句到尾就是小心d, 問多d, 睇多d!! 祝你好運買到架好質素的二手車!!

2007-03-04 01:02:00 補充：
二零零七年四月一日起政府寬減新登記環保汽油私家車首次登記稅30%上限每輛港幣五萬元。車輛製造商已為該車輛型號向環保署証明它們符合環保汽油私家車認可標準並由環保署發出《環保私家車證明書》確認每部經製造商授權的代理商進口同型號私家車均屬環保汽油私家車(即透過型號審批確認為符合環保汽油私家車認可標準型號)。本田StepWGN(2.0)為透過環保署型號審批確認為環保汽油私家車。 轉貼自-www.epd.gov.hk/epd/tc_chi/environmentinhk/air/prob_solutions/environment_friendly_private_cars.html#3a

我本人覺得(大昌汽車)在九龍灣都幾好，車的種類有幾多，不過價錢就貴少少，不過有保養給及有信心保正，值得一睇。