男友婆婆的喪禮

1. 一般個幾星期應該排到。

2. 如有需要俾帛金需要單數，例如$101、$201等等，記住俾左帛金一定要拎返封「吉儀」，裡面應該係有粒糖同$1既，唔拎既話會唔吉利所以記住問佢地拎，跟住之後可以食左粒糖同埋用左個$1。

3.注意你生肖年份有無同佢婆婆相沖，呢樣要師父，同埋你屋企有無人做囍事白事？如有都好似會相沖，唔好去喪禮都無咩問題，表示心意的話可送花牌。

4.你男友當然要去啦，身為男孫。婆婆都好親嫁喎。喪禮其實要一整晚，不過通常只係親人先會留守成晚。其他親友，即係你個d可以去鞠躬、上香，坐一陣就可以走，同埋走都要記住去鞠躬先走得。

5.以你咁既身份其實可去可唔去，以表示心意就俾帛金同埋送花牌就得了！
如你想去陪你男友都得，不過都唔使陪成晚既，因為通常搞到好夜，好多儀式做！

6.仲有，服裝當然唔好大紅大紫啦，著返沉色個d。

7.你男友就好似100日內都唔好去人地屋企好d，又係唔吉利。


希望幫到你啦，唔使擔心咁多，如果唔明既，其實個度好多師父可以問佢地！
同埋邊個負責搞喪禮果個人，應該會叫你地做d咩唔好做d咩嫁啦！

2007-02-27 21:27:05 補充：
帛金既話用一般信封入住就得，如果無都唔緊要，到時個度都有d專用信封準備俾你。信封面寫埋你個名，因為人地要落簿紀錄！另外，通常你都唔使去埋出殯個日嫁啦，因為個日要好早上山，上完山就走，無咩特別野做。係守夜個日，即儀式第1日你出席就得。

我覺得似乎你和男友的關係去到邊,如果是已經穩定及已見過男友家人的話, 最好就去,
因為中國人傳統比較保守,你到的話代表你已視男友家人為自己家人,對方會覺得你有誠意及有心.無論什麼教別, 一般喪禮都是分二日,第一日晚上會設靈及守夜, 讓死者的朋友及家屬到場陪伴死者最後一晚, 你可以去上柱香及鞠躬, 放下帛金表示心意(帛金要用白色信封入住,及要單數,即是$301元或$501元等), 跟住問候家屬, 說節哀順變及不要難過的慰問說話, 最禮貌是完成整個喪禮才走, 通常家屬就要下午4-5時左右就要到殯儀館, 因為好多手續要做, 而你就最好在晚上8時左右到, 因為d手續及儀式是家屬才做, 你早到就顯得有點礙眼,
一般會到晚上10-11時左右完結, 因為殯儀館都要關門, 期間你可以坐低幫手摺下衣紙, 或是基徙教或天主教儀式時細看詩歌書打發下時間, 但如果坐一陣(最好半小時以上啦)就走都沒有人會怪你的, 臨走的時候上多柱香和家屬說聲就可以,到時會有"堂倌"教你點做的.裝扮最好著黑色衣服, 面上化妝盡可能清淡, 不要戴手飾, 而第二日早上就是出殯, 在殯儀館做完最後儀式後就用車送到下葬地方, 之後再做酒樓食解穢飯, 通常這天是最親的家屬才會去,
即是死者的仔女子孫等, 如果你未訂婚就可以不用去.
其實去與唔去是似乎你自己的心意, 及出自內心的一種尊重.

主要視乎喪禮係咩儀式，即係用咩宗教儀式舉行，各有長短，很難介定！
個人認為，出席喪禮儀容以素色為主（全黑就最穩陣），保持安靜，問候一下家人，比帛金，呢Ｄ係基本應該做的！
而瞻仰遺容就視乎個人啦，有Ｄ人怕情緒不穩，可以選擇唔做o既！
係咪同男友一齊去，要睇下佢係咪要幫手姐......