✔ 最佳答案
1. 如果以環境來計當然係私家醫院好d... (如果你有錢的話)... 不過如果以"物有所值"來計.. 我個人就會揀公立醫院... 因為而家好多私家醫院都俾內地孕婦佔晒床位啦... 與其係公立醫院同係私家的待遇都差唔多... 點解仲要俾咁多錢搵氣來受呢... 係咪??
2. 以正常順產.. 三日兩夜來計... 公立醫院只係收費$250... 私家醫院起碼$40000... 仲未計其它額外收費... 真係差好遠囉...
3. 其實間間都差唔多... 我建議揀一間最近你屋企的... 因為懷孕後期產檢會好密.. 大住個肚無謂行咁遠啦.. 而且touchwood講句... 到時穿水見紅坐的士去急症室都快d嘛... 遲d生左bb出來... 產後檢查同嬰兒檢查通常都會係返同一間醫院做... 所以... 我就會揀屋企就近的醫院
4. 答案同3一樣.. 都係首選近... 不過都要睇返你睇開果個私家的婦科醫生同邊間醫院有聯系... 唔係間間都可以俾你book o架...
p.s. 而且無論私家or公立醫院床位都好緊... 你揀o岩就快d去做booking啦... 無論遲d無位啦... ^^