我應該點做?

呢個situation....
我鍾意左個男仔2年, 我地平時都係7 , 8 個一齊玩, 同佢就淨係一齊ge 時侯先會講野同玩,平日又唔會傾電話或者講心事, 其實都可以話係唔熟~識左佢2年啦..都係咁ge 關係

或者真係唔?傾, 因為我見到佢成日都要特登諗d野同佢講,但 對住其他人就算無野講都覺得無乜野~佢鍾意足球d野但我又唔識

仲有佢o係呢堆人裏面有一個女仔密友,成日都一齊,真係好friend, 但人人都知佢地只係好朋友 , 但我就成日為左呢d野煩, 都唔知煩乜!

我試過一兩次send sms比佢佢無覆我, 我唔知係咪技術上ge問題定真係扮睇唔到,但之前有個friend send 過比佢又真係試過收唔到~我真係好想係技術上ge問題ar...仲有幾次msn 同佢講野一見我就offline, 以為佢唔想理我,但之後佢又同我解釋番先知佢唔係特登。

今年我地就畢業,之後見唔到佢, 除非一班人一齊出黎啦,如果我單獨約佢又好奇怪, 因為我地不嬲唔熟嫁ma, 好驚佢reject , 或者講番比我地d friend 知(可能咁諗好白痴)

咁我應該點做呢@@??