那本家居風水書好(對初學者)?

出面D風水書多到泊得住七仔.無料嘅講尼講去都係三幾句,只不過係重複又重複咁帶你遊花園,因爲佢識(只係比你識多少少)你又唔識,你米覚得無問題囉.有料嘅又太深你未跟師傅學過又唔明.所以建議你去買由陳永林師傅寫嘅純陽宅風水書.可能你都聽過佢個名,但係有料嘅師傅通常都會好低調,陳師傅係工聯會任敎風水,手面相班已經有十數年經驗.咁樣係係米信心大增尼???同埋佢依加都幫緊互動電視做緊玄學節目,係有線電視二十七台,同香港寬頻数碼電視四十七台播放.
講番本書,開頭大半你都係睇唔明都唔緊要,因爲後面有好多係好簡單咁講解家居風水佈局,識字嘅朋友都會明,而且好實用.因爲正統嘅風水係一門好深嘅學問,唔會睇下書就會明同識點樣運用.尼本書一半係深(對於初學者)一半係簡易.對新手上路係好適合睇架.