想提早離職又唔想扣錢??

咁就要睇下你果兩個問題係米有關連性

1.勞工法例訂明要在7天內出糧，如果你在3月都繼續有返工o既，佢當然要在3月7號前給你2月的糧。

2.但係如果你選擇曠工，公司便有權利追討回你的代通知金，既然你d錢都未過到數去你戶口，個d係公司俾你o既錢，公司當然有權從中扣回你六天的代通知金。

你不如試下可唔可以遲多幾日才走，或者和僱主商討一下可否豁免幾天的代通知金。

2007-02-26 12:29:08 補充：
如果你要請最尾幾日sick leave o既，有d公司都係唔俾o既，佢會延長番你o既通知期，而且你千祈唔好將個幾日去另外新公司上班呀，唔係你俾舊公司知道你就大鑊啦。好多時新公司會做reference check俾你o既舊公司，你個幾日重係舊公司o既人，如果舊公司知道你炸病而且暪著公司去第二度"秘撈"，舊公司告你雙重合約個陣時就一身蟻啦....

同事離職想早D走，可以同公司商量，如果工作安排妥當，公司都唔想出多D糧啦，如果工作未安排好，你又無端端唔返工，公司係可以向你追討代通知金既。

錢銀事少，前途事大，你今日做事無頭無尾，日後有好的工作機會而佢哋要向舊公司check你既工作表現時就唔好啦......

唔知點解要早６日走？但sick leave 一定博唔過，公司唔係傻架．

１　如果你早６日走，佢只會扣你６日扣錢，２月份一定有得出（但唔排除佢地會玩野)．
２　既然曠工，當然有權唔出比你（應該話一定會唔比你）．

唯一既方法係，同上司相量，睇佢幫唔幫到你囉．呢個就要睇下係你同個上司／老板關係如何或視附佢地既為人好唔好人囉．

我自己就曾經遇過一次啦！因為果時初初出黎工作，但同自己果team既阿頭唔合，佢好唔鐘我，咁我唔做．但當時我係需要１個月通知，咁請我果個dept head見到我好唔開心呀！所以佢就幫我同人事部講，咁我就有得走又唔洗補錢．所以我覺得佢係好好人囉．

我希望你個老板都係咁好人啦!

基本上你不可能提早離職又不被扣錢。
1. 如果你提早離職，公司絕對有權扣你二月份既糧囖。
2. 如果“曠工”一天，基本上吾可以係解雇的理由，不過好頭好尾，我吾贊成你“曠工”囖。如果你有有薪病假的話（我指有d公司的有薪病假條款比勞工法例好，即就算病假一日都吾會扣糧個種），點解吾告病假呢？甘你張reference letter都易攞d囖。

唯一方法係請sick leave! 不過要睇你公司有無提供有薪病假同埋你仲有無病假結餘~

好似勞工法例講明, 通知期係唔可以拎大假扣.... 有d公司好o既, 就俾你放, 扣返錢.....

如果你3月1 唔返, 理論上你o個日都係no pay ~ 而且...3月7日未必會出到糧俾你, 好多時離職員工o既薪金都會分開計, 唔會同每月一般出糧一齊出, 勞工法例亦講明, 有關公司需於同事離開後7日內出糧, 我以前間公司唔止拖7日.....