有無人可以詳細d講下私家車泊Ｓ位同Ｌ位既完整過程呀？

首先你要忘記在學車時學的手勢同口訣, 學車時學的只 for 你考牌用的, 很 sorry, 出黎路面係第二個世界...

泊車最要留意架車既 "空間感" , 需知道你要將一個長方體(你架車)泊入一個大冇幾多既長方形中, 當中要人車同時配合才可...

預備功夫 :
新學泊車不要用泊車雷達,電視等... 也不要請耐性不足的朋友幫你(呢類朋友只會令你更加失去信心, 越學越差).

正題 :
第一步, 多練習
搵個前後冇車冇人既停車場苦練, 記緊要 "車慢軚快" , S 同 L位都要練, 練習時請留意架車會因你囉不同軚而行走不同方向, 感覺一下架車o既"空間感", 當然因為前後冇車, 你大可放心練, 超越泊車位都唔駛驚.... 每次泊好車都落一落車睇下成積...

第二步, 模擬實戰
搵障礙物(雪糕筒, 掃把等)放係格離車位頂角扮有車

L 位
將車微微斜向右(45度)駛到剛少少超前泊車位(當然駛到同車位成 90度角都得啦, 考車時係o甘嘛), 開始回左軚倒後,留意右車頭有無障礙, 主要望左後鏡留心左車尾同地上左車位線要慢慢變成平行, 一路上, 快速 double check 中後鏡, 右後鏡, 右車頭有無超越泊車位/ 接近障礙物, 一手軚唔得, 囉右軚前再倒後 ----> 成功 !

左S 位
將車駛到剛少少超前泊車位, 開始囉左軚令車斜入倒後, 留意左車身有無超越泊車位/ 接近障礙物, 主要望右後鏡留心右車尾轆超越地上車位線要開始回右軚, 快速 double check 中後鏡, 左後鏡, 左車頭有無超越泊車位/ 接近障礙物, 一手軚唔得, 囉右軚向前再試一次 ----> 成功 !

右S 位
將車駛到剛少少超前泊車位, 囉右軚令車斜入倒後, 主要望左後鏡留心左車尾轆超越地上車位線要開始回左軚, 留意右車頭有無超越泊車位/ 接近障礙物, 快速 double check 中後鏡, 左後鏡, 一手軚唔得, 囉左軚向前再試一次 ----> 成功 !

2007-03-07 00:36:48 補充：
多練習

L ,由位前斜取約45度,(位在右車頭向左)車慢呔快倒后,望左右倒后鏡入位,望到側車的頭燈,可順利回呔扭直入哂.
s , 車停位側前方,扭呔入位,當然車慢呔快倒后,望外線及后輪剛入線后回呔即可.
掌握基本,多作嘗試,祝順利.

2007-02-26 23:29:42 補充：
車塲內倒后留意尾燈光,街外可留意日光影照.無須聽聲停.

基本原理是相同的, 但學車時同正式泊位完全兩回事, 我由開始第1次學同考車時全部都可以一手軚搞掂, 我考完牌後第一次到停車場就泊了成粒鐘才泊好, 1來車位窄很多, 2來兩旁同前後都有車，重有d車係後面bib，好影響kar。

扭幾多軚係每架車都唔同既，就算同一架車，軚氣唔同或者入位時速度唔同都會有唔同反應，主要係經驗ka。經驗係揸得多就有！

醒你一招，唔好等聽到聲至停車，有時落車睇位好過你係車上左望右望！