想問澳門套票

一般可以去中旅社或油麻地旅遊訂「酒店船票」套票，二人成行，都幾抵！特別是日至四比五六平的。

中旅社：http://www.ctshk.com/zy/querypack.jsp?country=China&city=MAC&hdr=CHMACSV&numppl=ALL

** 如果合乎你900蚊budget的話，建議4星可揀君怡, 我住過幾次感覺不錯, 位處"乙水"仔市中心, 都幾方便, 但當然你想一行出酒店就係澳門本島的市中心, 就另作別論(例如皇都都ok近)
3星900蚊樓下則有格蘭、金域可揀, 質素中等；

油麻地旅遊：http://www.hkf.com/hta/htaweb/hta_MH-hotel.html

註：留意夜航或不同碼頭(上環/尖沙咀)補錢事宜
*************************************************************************************************

有關和8歲囡囡去澳門玩, 澳門新賭場係多, 但小朋友未必咁o岩玩, 如果以新o的既景點來說，建議去以下地方：

1. 漁人碼頭是不錯, 有風景、飲食、仲有些o岩小朋友玩的輕盈版機動遊戲。(但請不要玩入火山那個激流, 又熱又黑又唔刺激 >_<")
2. 澳門旅遊塔，小朋友唔畏高可以上塔的觀光區(http://www.macautower.com.mo/tch/tower/observation.asp), 上"58樓觀光主層及61樓室外觀光廊"大人+小童共105元。當然想食d野, 下午茶嘆tea(http://www.macautower.com.mo/tch/dining/index.asp), 嘆完後唔駛入場券都可以自己從餐廳行落一層同樣睇到好多風景, 不過小童大人每位tea都係108蚊仲要加一較貴呢, 那要看是否在花費上要考慮了. 不然純觀光慳返呢百幾蚊tea錢, 在澳門大把好野食.

而對8歲而又第一次去的囡囡來說, 一些傳統但較為對小朋友吸引的景點都不錯：

大三巴牌坊 --- 看囡囡敢不敢走上牌坊後的鐵樓梯

澳門博物館 --- 帶囡囡認識澳門又有d野睇有野玩o下, 寓教育於娛樂

海事博物館 & 媽閣 --- 教o下囡囡澳門名字其中一個可能的由來: 媽閣=macau；海事博物館外的露天茶座炸雞翼和炸薯條即叫即整, 幾正架! 臨近日落仲可以對住個大咸蛋黃黎嘆呢！

飲食方面，o岩小朋友的：

(比較新) singing bean --- 議事亭前地(即噴水池那兒) 何生開的, 雖然主打咖啡, 但也有其他特色o野飲和雪糕, 當然仲有好多好味的cake啦！

瑪嘉烈葡撻 --- 南灣金來大廈地下17號 (比較隱蔽，在賣白鴿票對面街的樓之內)

榮記豆腐花(http://photo.mytony.net/album228/a_a_O_G) --- 馬高次次去澳門都食的, 你去見到華哥, 話係香港成日黎的阿榮(馬高本人, 嘻嘻) 介紹的吧, 哈哈~! 豆腐花凍熱都非常好吃各有特色呢~! (點去？ see here→ http://eatinout.lewishwk.com/chinese4.htm)

大致俾住咁多料先，有需要寄信我吧~!

其他有關澳門旅遊/美食的連結：
http://www.openrice.com/big5/read.php3?id=89443
http://www.macautvl.com/
http://www.teamnice.com/vmacau/

你去信德中心港澳碼頭既旅行社, 中旅社也有很多澳門的資料, 你又可到澳門碼頭的Tourist Information Centre, 也有詳細的資料架.

我想你今年最應該去的地方:
永利娛樂場 / 漁人碼頭 / 金沙賭場
我想你今次最應該去食的東西:
金沙的自助餐 / 寶石常記的佛跳轖 / 氹仔的木糠布丁 同其他你上次覺得好食的東西 !! :)
你可以打去一心旅行社問 澳門套票tel:27803233最平日$569

到澳門酒店check-in 完已經要食中午飯, 但先要打電話去葡京訂當晚不夜天的buffet, 食物水準頗高, 唔訂位無得食架, 介紹你先去氹仔市區官也街(由酒店行大約十五分鐘就到)行一行, 有好多野食, 行得快還可以去埋龍環葡韻, 出名的豬扒包要四點先出爐, 但係其實澳門人不覺得十分的好食, 一般啦. 約下午三時多搭巴士33號去澳門新馬路一帶, 順道去埋大三巴及澳門博物館, 行完就去食buffet, 食完約九時多就去各大賭場見識一下, 首選葡京對面的永利. 玩完都應回酒店休息.

第二天早餐後check out, 把行李放在酒店存放, 搭巴士去路環市區, 該處有最好味的葡撻, 一定要食, 如果有睇韓劇 - 宮, 該處為其大結局之拍攝場地, 影相好靚架, 再去黑沙海灘, 感受下澳門的海灘之餘要到FERNANDO食正中葡菜作中午飯, 必食佳品為菜沙律及乳豬. 飽後回酒店取行李回澳門, 睇怕已經是下午三時, 可去近碼頭的賽車及紅酒博物館行一行, 又或到澳門唯一的百貨公司完成未買完之手信. 離開澳門前在八佰伴地下的ANGELA CAFE 食自選三文治, 好多料及好抵食, 之後可回香港了