中銀&東亞信用卡(+10)

信用卡難唔難批，就要講番申請信用卡，一般要的文件/資料喇：
(1) 申請人之香港身份證。
(2) 附有閣下姓名、戶口號碼、 銀行名稱，及最近三個月薪酬證明之銀行月結單/存摺/糧單，及最新的稅單。如閣下為自資經營，請提供商業登記證副本及公司稅單。
(3) 現居住址證明，例如： 銀行月結單 /電費單。
(4) 其他資產證明 (如有)，例如：定存單等。


間間/隻隻信用卡要求的入息都唔同，一般都要 $60000 以上，如果你有齊上述資料，達到入息要求，一般都會批的，而當然，係要你冇不良的信貸紀錄啦。因為而家有個叫個人信貸資料庫 (TransUnion Limited)，你簽左信用卡申請書，即係授權信用卡公司去佢地度查你架喇，咩野借款紀錄都睇到...咁你要冇不良紀錄 (信用卡欠款，私人貸款逾期等，信用卡公司都 check 到架)，如果有不良紀錄，一般都唔會批卡比你。

中銀的信用卡同東亞信用卡的批核都算一般啦，當然，如果冇三個月入息證明，人工唔多的，但你戶口有錢，都係銀行考慮批卡的因素，你可以影埋存款證明 (定期單，簿仔/月結單....唔一定要 20萬，最之有好過冇，當然愈多愈好) 比銀行。
另外，咁如果你的來住銀行係你而家申請卡那間，咁又會易批的，因為話哂銀行之前都有你記錄嘛，不過，最後決定權都係銀行度架。(即係如果你而家有戶口係中銀，中銀批卡的機會係大d架，最好係分行填申請表，d 職員會好熱心幫你架，因為佢地都要 quota 架)

如果你人工得 $4500-5000，得兩個月入息證明，東亞有張叫 shine card ，只須一個月入息證明，月薪港幣 $3400 起可以申請，算係我聽過最低薪金要求既卡，你可以去睇睇 http://www.hkbea.com /hk/pb/cc/card_produ cts/shine_card/index _tc.htm ，試一試丫


希望上述資料幫到你