我想知點整雪菜肉絲米呀?

1) 雪菜(即雪裡紅)有綠色或深綠色,買回來後要浸水大概二小時左右,令到咸味減低

2) 肉絲醃味同一般醃肉方法一樣(豉油,糖,豆粉)

3) 紅辣椒切細粒

4) 蔥切細粒,薑片一塊

5) 上湯 1 豌

5) 米粉先出水待用

6) 要用白鑊烘乾雪菜,要見到鑊有鹽的結晶在鑊內,要慢火烘不可心急

7) 用油爆香肉絲加入雪菜及辣椒落小許糖調味(即成雪菜肉絲)

8) 煲滾上湯放入薑片及放入米粉煮滾,應該夠味不用落鹽

9) 把米粉及上湯放在豌再放入蔥粒雪菜肉絲即成

白鑊炒雪菜先可以烘乾雪菜內過多的鹽份,如果係落左其他東西(水或油後不會烘到因為會吸收)這個是一個物理常識.我老豆教我的.

我通常去上海雜貨鋪買雪菜,如果你有睇阿蘇個節目佢成日去新三陽或者香港間老三陽好多上海野買.我在銅鑼灣三越後面買.