做左人爸爸既請進~!!

做父母既其中一項難題就係教子女性教育既知識，
我個女10歲，細佬5歲，雖然唔係一齊住(離婚)，但一有機會都灌輸正確既性知識比佢地；
例如幾年前有一次一家人(細佬未出現)去深圳玩，入住酒店，有個大浴缸，就三個人一齊沖涼，其間個女(4歲)都會問點解媽咪有胸下面有毛既..??嗲嗲下面咁得意既..??咁兩個大人就一路查番梘一路講解男仔同女仔既分別，當然要簡易生動有趣既講解啦．......又一次同細佬一齊去公共廁所，幫細佬去完自己去，細佬望住我下面話：嘩！點解咁大既．？我就答：我係大人黎架嘛，你係小朋友，你大個之後咪同嗲嗲一樣咁大囉．．．
其實灌輸子女正確性知識，做父母至係最重要既途徑，如果父母秘而不談，避而不教，到佢地日漸長大，自朋輩同學間接收到唔正確既知識或誤解，(大部份依度所問既問題就知道時下青少年既性知識去到邊)，到時要矯正就更難上加難．．．
比心機一定教得到既．．．．．保重．．

又．．去家計會既網頁，都有Ｄ啱用既資訊..
http://www.famplan.org.hk

教唔教都得la

反正佢都會知，不如早ｄ教佢
好過佢遲ｄ問左一ｄ佢唔應該問ｇｅ人（女仔）

2007-02-25 14:29:02 補充：
而且大家都係男冇咩好怕羞～

你應該教佢有關性方面既野 教佢咩應該咩唔應該先係

唔係驚佢問你問題，就唔同佢一齊沖涼，呢個係逃避