防吠器有用嗎?

心理控制最好!!

所有防吠產品或多或少會令狗仔痛痛同驚驚, 有少許虐畜之嫌o番!!
再者, 你一唔同佢戴個滅聲器, 佢咪一樣照吠? 治標不治本喎~
有d溫柔d o既方法o既...

要防止狗狗冇人響屋企都狂吠, 就要尋根究底, 搵出佢喪吠o既原因!
(1) 不安/ 緊張
- 有d狗天性比較緊張, 有人行過門口又吠, 聽到少少聲又吠, 隔離鄰舍真係唔該晒你!
解決方法: 搵個朋友做妹, 特登響門口行黎行去引佢吠, 跟住搵個大喇叭"砵"佢, 令狗狗覺得好煩厭~ 佢一靜落黎, 就勁誇張咁讚佢! 叫朋友重覆數次, 佢會將 "吠" 同 "厭惡的聲音" 聯繫起黎, 有人行過都唔會再亂吠! 如果喇叭唔見效, 擲硬物落地"嘭"一聲都得, 只要係嚇屎佢o既聲音就有效! (小心唔好擲到佢)
(如果你住公屋, 我聽過有人特登吹狗笛或整d好低沉o既聲音引隻狗狂吠, 等房屋署趕你走, 呢樣幫唔到你)

(2) 怕獨處
- 玩賞犬大多怕寂寞, 佢地冇人響屋企時會勁吠哀求主人返屋企~
解決方法: 搵個weekend全日留響屋企train佢~

離開屋企關門 -> 佢吠 -> 唔好理佢 -> 安靜 (即使只係一秒) -> 開門勁讚

續漸將離家時間延長, 由1min -> 5mins -> 15mins ... -> 1hrs
timing要較得好好好準, 一安靜就開門入去讚佢, 等佢知道主人係會隨時出街又會隨時返黎, 唔係走左去唔返黎, 而且要佢安靜左主人先會返黎!

如果唔正視狗狗亂吠o既問題, 佢地吠得多氣管會好傷, 吠多幾年命都短幾年!