醫療輔助隊體能測驗

話難唔難,話易唔易,我早幾日先考完體能試,
我分享我的經驗比你知啦;
一去到係要等...之後開始會有人叫排隊等入房
排隊時要攞定身份証同面試信等門口的人核對後入房,
入房後睇片,片係講介今日體能試內容,會講有咩要求同點去做...
睇完晒下行去背面等叫名對學歷,
中5以下係要做中文能力評估,佢會等一定人數有人帶去另一房佢講你默書的,
之後又要等佢改答案,真係等好耐,ok就會帶返你去之前排隊地方等人帶上去上面考體能,如本身有中5學歷就對完成績等人數夠有人會帶上上面做體能...
上到去換衫...之後等叫編號...基本上你最好記住自己編號,因為佢多數只會叫編號,
真係無人應先會叫名,但會比人要求你緊記編號(者係你封信的號碼)
之後除鞋或做熱身都ok,

我講我當日流程;
1.放置醫療用具係除鞋做的,鹽水袋上有黑線,其中一隻手指必須掂住,雙腳跟不能離地釣上
2.坐地前伸最好考試前一星期自己多拉根,我就太緊拉了2星期,如本身坐地時能掂到腳指就ok,除鞋的

3.一分鐘仰臥起坐屈膝90度,雙手交叉抱胸,落時背貼地,上時手背貼大腿,最好做足動作,否則不計算的,除鞋的

4.一分鐘掌上壓男上升時直手到盡,落時不能掂地,除鞋的女要半跪地交叉腳,上時要直落時不能掂地(基本上最考姿勢正確,否則唔計數,最好多練習,因為都有好多人肥依度)

5.60公尺抬床 有時男女,有時男男一組,係起身o個下要小心,基本都好易過關

6.2.4公里跑步係一個最攞分的考試,最好自己多練習,就算無氣都要快行,21個圈
(對無做開運動真係辛苦的)

如以上每關能順利通過,就等人帶去見高級的官,之後會預約下次面試時間
ok晒就可以走的了...









項目

編號




項目名稱




計分標準






1.


放置醫療用具




高度：6.5呎 (雙腳須平穩站立)






2.




60公尺抬床




兩人一組於兩分鐘內須平穩地用抬床運送模擬傷者 (路程：60米)






3.




一分鐘仰臥起坐




一分鐘內最少完成12次






4.




一分鐘掌上壓




男性於一分鐘內最少完成17次

女性於一分鐘內最少完成9次雙膝跪地掌上壓






5.




坐地前伸




三次內，其中一次最少可於「坐地前伸箱」上雙手伸展14厘米






6.




2.4公里跑步




十九分鐘內完成(每少一分鐘完成可在總分內額外加一分)

註：以上各項均需要完成始符合基本要求，除跑/行外，全不會額外加分。

我睇你上版發問時間,應該是同我同一天考試的嗎?
祝你順利成功,一同入隊!