佢有無鐘意過我呢

其實睇完利個問題之後，我諗左好多野。諗番起自己以前ge經歷。我自己本身係一個男仔，我諗我傾向同性戀，但同時又鐘意女仔。以前曾經鐘意過一個男仔，我地係同一班坐埋一齊，後黎佢竟然拖我隻手，好難熬ge一個過程係我無講咩野，但係我地又繼續相處。最後有一日我終於要同佢講清楚，結果係佢同我講佢從來都無鐘意過我。相比起女仔同女仔做朋友，男仔係根本無可能做到咁親密。所以我想講ge野就係，佢可能真係只係當你朋友。另一方面，我ge見解係，或者戈個男仔對我咁，只不過係一個人ge心理，當一個人知道另一個人鐘意佢ge時候，即使佢唔鐘意佢，都唔想失戈佢，因為戈個人真係對佢好，雖然咁樣並唔係惡意ge行為，但可能到最後都傷左戈個人ge心。當然後個人認為人做一樣野並唔係只單憑一個諗法或者原因，所以我覺得佢可能對你亦愛亦友愛，亦有一種我頭先所講ge心理。或者到左最後佢所選擇ge係友愛，所以叫你同佢一齊離去，覺得可以同你開心唔洗煩咁相處，既可以同你一齊當係同最好朋友ge親密，又可以享受愛ge樂趣。

我亦都曾經問過自己你問過ge問題，我真係點都唔相信佢少少都無對我有過感覺。但係咁又點? 既然佢咁決絕同我講左係咁，咁就惟有係咁。後黎我離開左個傷心地，亦都好少同佢聯絡。隨住認識更多ge人，有更多ge朋友，維持同更多人ge友情關係，我發覺原來無左佢ge世界自己一定過到。我唔會勸你同佢斷絕聯絡或者繼續留底。因為點揀係你自己點諗。一個問題問自己，究竟點樣ge一個世界先適合自己?? 同埋永遠要記住，揀定左，清楚自己做緊乜，唔好後悔就可以。