大肚婆作嘔食d咩可以舒緩一下?

我剛14周.. 情況好了很多.

其實你個胃冇野消化, 佢就會好唔舒服.. 又或者, 太飽, 吃完東西後即行, 便好易反胃.

我覺得你要:
1. 少吃多餐, 最好每兩小時, 吃少訐
2. 吃完東西後, 坐一陣, 先好走動.. 個胃太"浪".. 又易嘔的
3. 不要吃太飽
4. 覺得作嘔作悶時, 可吃話梅, 檸檬糖, 或者梳打餅.. 都有幫助!

嘔出黎ge野有血絲, 可能扣喉時整損左, 不用擔心... 若果多了, 就要去看醫生呀!!

我當時亦覺得好難挨, 但日子好快過, 好快睇到bb一直咁大, 好開心!!
我十一周, 照聲波, 佢已經好立體, 好開心呀!! 這幾星期都好重要, even作嘔作悶, 但都要吃多d有營養的食物, 睡多d呀.. 祝大家bb健康成長!!

我今日已經係第十三週啦,但依然每日起床後嘔到黃膽水都出。我唔敢食酸野，因為多左胃酸，嘔得仲勁，基本上我係連水都唔飲得，惟有多食生果。我朋友就教我果皮加薑煲鮮奶，我試過幾好，會哦番Ｄ氣出來，舒服好多，對ＢＢ又好Ｄ。你可以試下。

其實真係人人唔同，我就覺得無食物食完可以完全止嘔，但我當時就選擇了話梅，雖然我覺得難食，但好過無啊！其後當口淡就食酸薑囉！

你試用一些舊陳皮水飲或食一些陳皮食品,都可舒緩.

我當年懷孕時和你一樣,嘔到有血絲,但醫生話是嘔得多,喉嚨損所至,

食少少酸野... 又或者你食左覺得舒服的野.... 每個人中意食的野都唔同... 我以前就唔中意食話梅... 中意食酸蕎頭 (街市賣豆腐的地方通常都有得賣).. 所以你可以慢慢試... 試到一樣o岩自己食的野.... ^^

另外.. 千祈唔好驚嘔而唔食野... 可以試下食疏打餅或者麥包... 少食多餐... 記住食多d訓多d啊.... bb需要好多營養o架... ^^

>>含住一粒"春砂仁"(係一種中葯),止胃氣,就冇咁容易嘔.
>>雞一隻,原隻,不要內臟.清水約六至八碗,薑幾片.水滾就放材料,煲大約個半小時,兩碗一人服.

大肚婆作嘔食d酸野可以舒緩一下，過多2至3個月就冇咁厲害ga啦，記住戒口。