求助 見工 ..

見工前準備:

1. 衣著打扮 - 頭髮要梳理整齊, 不宜將頭髮染到五顏六色. 著裙著褲無咩所謂, 但要端莊大方, 款式簡單平實, 顏色唔好太花巧 (藍, 灰, 黑, 白 實無衰), 化粧要淡, 唔化粧都要搽唇膏, 整體俾人感覺舒服即可. 手提包要襯衫, 都係個句平實, 可以夠大袋埋d文件仲好, 唔使左一袋右一袋.

2. 準備文件 - 帶齊 Resume, 所有學歷及工作證明(用公文袋或 Holder裝好), 身份證, 相片, 筆(之前我 in 人時, 居然有申請者連筆都唔帶, 扣印象分), 白紙.

3. Tip 面試題目 - 攞著你自己份 Resume, 假設你係個僱主, 你會就著你既履歷表問你d咩問題呢? 例一: 假設我之前讀個一個課程, 但中途退出, 個僱主會唔會問我點解中途而費, 會唔會做野又係咁, 做做下唔做? 我要點答先令佢信服, 證明我係有充份理由支持我咁做呢? 例二: 我之前做開的工作唔係文職, 或根本無任何工作經驗, 點先可以說服到個僱主俾機會我呢(要搵定d相關的理由, 如我未做過時裝售貨, 但我好鐘意講野, 好識同人溝通, 好留意潮流資訊等等)? 你要係去面試前準備好你認為僱主會問的問題, 你的答案(唔知點答會得體可以問定人).

4. 準備一份簡單的英文稿介紹自己 - 好多時僱主會突然出招, 殺你個措手不及, 你無準備就會口啞啞, 衰左.

5. 若果係大公司或有網址的話, 最好上網搵下該公司的資料, 了解多d, 因為大公司通常會考申請者知唔知該公司係做咩架, 或知唔知個職位係做咩架. 順便了解下該公司的業務性質及該行業的行情變化.

6. 預早查定交通路線同天氣, 早作準備(面試時, 僱主絕對唔會喜歡見到隻落湯雞, 成身濕晒, 影响心情, 自己表現都失準啦, 遲到更加唔使講啦, 無下次見工機會).

面試時應對:

1. 打招呼 - 第一次見面要識講早晨, 你好. 要識微笑
2. 如何表現自己 - 要留心聽清楚對方發問, 聽唔清楚或唔明可以麻煩對方講多次(但當然唔可以句句都要人重覆啦), 作答時要咬字清楚, 音量適中, 態度從容淡定, 笑, 就算面對對方拙拙迫人, 都千祈唔好窒人或反駁, 可以笑笑口轉話題.
3. 要表現對呢份工的興趣, 熱誠, 呢樣由你的面試態度及應對夠唔夠熱衷可以睇得出, 亦可以適當時候發問對方公司的情況來發達自己對該職位的興趣.

應該差唔多, 希望幫到你, 祝好運, 事事順利

專營女裝度身訂造OL套裝 $480元起(套)，西裙，西褲，女裝Suit，恤衫，連身裙，公司制服，伴娘裙...(歡迎來圖訂造)

如有任何查詢，歡迎瀏覽 :
www.din-tailormade.com
或電郵致 :
[email protected]

九龍旺角西洋菜街兆萬中心6樓603A舖 (中南文具對面)

查詢電話 : 9137 2870 (歡迎預約時間)

營業時間 : 3:00 pm - 10:00pm

如果係見一個普通既文員的話, 大部份既情況是不用穿套裝的

但衣著要斯文, 唔好太花, 靜色為主, 可以著西褲架.
不過如果你想著裙仲好啦! 因為一向d job agent 都係叫我地著裙見工. 同埋而家香港係仲有公司要著裙返工, 如果你咁橋去左果間公司見工實有分加啦!

唔好著波鞋, 著對皮鞋好d, 唔好著腳根太高既鞋(我諗1-2吋都ok), 露腳根腳指既鞋最好唔著, 我覺得要著襪好d.

塗些口紅(以自然帶有少少色,人家看到會比較精神)

見工係要淡定d好, 唔好同見你果個人爭住講野, 如果人家找你d唔好既地方而又不斷地去話你呢樣唔識果樣又唔得咁,千萬唔好發皮氣, 仲要笑住答人.

祝你見工成功啦!

見工一定要打扮斯文, 如果你只係見junior文員, 都唔洗著suit(即套裝), 著裙or西褲都ok, 衫褲最好唔好誇張, 顏色亦唔好太sharp, 簡單順眼就可以喇.
亦唔一定要化妝, 但唔好烏眉恰睡去見人, 所以多數人都會化淡妝令自己睇落去會精神D, 切忌濃妝艷抹. 仲有記得要梳好個頭, 整整齊齊, 如果頭髮太金or染有其他明顯顏色, 就最好染番黑D喇, 俾人感覺正經D. 始終人地唔識你, 你俾人o既第一印象係好緊要gar.

另外,同人講野要有禮貌但唔好俾人覺得你怕羞e.g.講野唔好太細聲, 要保持笑容, 見工過程要淡定係必然gar喇, 講野要有文有路, 俾人見到你手忙腳亂, 答非所問, 仲敢請你o羊! 見工前做定preparation e.g.上網check下間公司o既資料, 冧定人地會問D o羊問題,同埋冧定一兩條問題問番人(千祈唔好問人工有幾多, 褔利有幾好).

總之, 唔好緊張, 要冷靜先可以聽清楚人地問o羊and冧到自己要點答, 聽唔清楚or唔明問o羊, 可以禮貌地請人重複一次, 千祈唔好亂答, 亂答問題會令人覺得你語無倫次, 令人懷疑你o既能力.
祝你好運啦!

中環、金鐘、灣仔等商業區需要穿西服，而工廠區則穿便服就可以了。凖備一些問題的答案，例如﹕上一份工為什麼不做?介紹你自己?上一份工作的內容?.......等等（中英文）。有自信一點，隨機應變就可以了。

如果係大公司通常都會著套裝(套裝都有褲,唔一定著裙)但個人認為著裙就會好d囉,
如果係細公司既照返平時著都ok嫁喇,斯文d個d囉,其實對答只要淡定d,唔好人問你東你又答西,我覺得最緊要一定要帶晒所有你報讀過既課程証書,比人感覺你係一個好學既人.祝你面試成功.