公司好多問題
2007-02-24 8:06 am
第一我當初係勞工處見工份工寫$5000,但上到去見,佢地話老闆只可以出到$4800,咁算唔算呃人?第二,我十月入職,佢話試用期(三個月)後,即係一月,就加人工,而家就等到三月全公司一齊加,話連埋試用期同一齊加果來份一次過加,咁佢算唔算呃左我一個月人工,算唔算犯法?第三,我間公司經常嚴重OT,錢又無得補,鐘又無,佢話放五點半,合約都咁寫,但原來五點半係截單,以真正俾你走得係六點九到,另外每個月最尾果日,每個人都可以準時放工就,而我地打單同load report既我就要留到八點先走喇,佢地識load,但自己唔load,要我on車車咁坐係度等佢地打哂單,開哂單,做哂所有野先叫我load份report俾d sales,算唔算強制性ot??但乜都無得補,試過,過左五點半後叫我幫佢地搬野,係機器,好重....好大件...我係女仔一個..係完全一個人都無幫我.....得it部一個同事見到我就黎跌先幫我扶一扶..果次我真係搬到眼濕濕...好想喊....(因唔夠位,承下"公司好多問題2)
回答 (2)
2007-02-24 8:21 pm
✔ 最佳答案
1. 佢無呃你，因為佢話得 4800 你可以選擇唔做。2. 佢都無呃你，因為佢可以話試用期間對你的工作表現不滿意，所以推遲一個月才過試用期，然後再加返人工比你。
以上兩點，佢係明呃 ..... 但法律上你告佢唔入，算數啦 !!
講真 ..... 現時每一間公司都係要加時無補水，就好似我咁，話就放6:00，但係一般都要8:00後至走得，每次都係放假至會叫我返大陸驗貨。公司本來要請4個人做野，現在只得兩個人做，老闆為慳錢，衰到連幾百蚊一個月既清潔工人都唔請，佢話慳返d錢大家分好過，到最後當然係無得分。正所謂天下烏鴉一樣黑，大多數人都係咁，老闆食幾千元一餐飯都話物有所值，但加你幾百蚊一個月佢都唔會。公司搵多左錢，係佢本事，但唔會諗你幫佢同樣要付出。
所以唯一辦法，就係忍 !! 拿多一點經驗，等待好時機才轉一份比較高工資的工作。因為你現在唔做，就一個仙都無，有4800 都叫做好過無。現在覺得辛苦，到轉工後就會感覺輕鬆，可以話係先苦後甜。人要學識怎去安慰自己，每件事都要向好的一方面去想，開心又要做、唔開心又要做，何必要成日唔開心做人呢 ??
至於搬重的東西，如果真的無人幫你，你可以唔做，如果佢地一定要你做，你就扮唔夠力把件野跌落地下打破佢，咁以後就無人會叫你搬重野。員工因意外損壞公司物件，最多都係賠償300，更加不能在人工中扣除。出來社會做事，不如意一定有，諗下辦法就自然解決到。祝你早日找到一份更好的工作 !!
2007-02-24 8:12 am
搵過第二份工, 呢份太差了.
4800元真係少d, 文員市價都6000元.
不如你去做聽電話, 月薪8000元, 中五程度, 無須經驗.
4800元真係少d, 文員市價都6000元.
不如你去做聽電話, 月薪8000元, 中五程度, 無須經驗.
收錄日期: 2021-04-29 17:56:11
原文連結 [永久失效]:
https://hk.answers.yahoo.com/question/index?qid=20070224000051KK00039