求增加母乳的藥方

材料:
1. 王不留行1兩
2. 通草4錢
3. 適量黃豆(約3-4兩)
4. 適量花生(約3-4兩)
5. 豬腳或豬手一隻
6. 墨魚乾一隻

作法:
1. 如果感到有口乾口苦的現象, 請不用王不留行, 才見效.
2. 用冷水洗一下通草和王不留行, 然後用冷水浸王不留行20-30分鐘, 所浸的水別倒去, 要用來一起煲湯;
3. 花生連皮的效果較好, 如果bb是對花生有敏感, 就不用花生;
4. 豬腳或豬手要去毛, 請肉檯師傅代勞. 回家洗淨才斬件會較衛生, 如果自己不易處理, 就由肉檔代勞. 煲前洗淨後, 用滾水煮5分鐘出水, 去油去血水, 撈起後備用
5. 先浸軟墨魚乾後切件, 如果用鮮墨魚也要一如豬腳般先出水(時間可不用5分鐘, 視乎實況). 如果買不到墨魚, 可以用鱆魚, 她建議用墨魚是因為它屬平性, 適合任何體質, 鱆魚屬熱性;
6. 備妥所有材料後, 冷水一起煲滾後, 再慢火煲1.5小時左右. 用水的分量原則是必須蓋過所有物料, 再加至少3碗水. 不同煮食燃料的乾水情況不同, 請根據經驗酌量.

注意:
1. 有感冒不適時, 不要飲用
2. 每個人的體質不同, 飲用後的反應也有差異
3. 情緒狀態是影響奶量和奶質的重要因素之一, 願大家有盼望而平和的心境! 喜樂和信心, 更會有微妙的作用.



通草奶
食人奶長大的BB，身體健康，少染疾病。婦女產後，體虛兼缺乳汁，可飲用通草奶補血氣。增乳汁，做個快樂媽咪。

材料：
通草　3錢
鮮奶　1杯
調味料：
白糖　1茶 匙（撥平匙面）

(1)先將通草內的雜質揀去。
(2)用水洗淨通草。
(3)將鮮奶放入煲中，加入通草煮滾，再放入白糖即成。

通草奶製作簡單方便，即可補氣血、增乳汁，又可當日常飲料飲用，一舉兩得。
通草在藥材舖有售，每兩3元。



黑芝麻豬腳湯
黑芝麻有補肝腎功能，用黑芝麻煲豬腳湯飲用，則可收益氣，增乳汁，補肝腎之功能，最適宜產婦食用。

材料 ：
水3碗
黑芝麻2兩
豬腳 （ 要出水）1隻
調味料：
鹽半茶匙（撥平匙面）

(1)黑芝麻用水浸洗，起乾鑊炒香後，將芝麻研成粉末。
(2)豬腳去毛洗淨、斬件，用滾水煮5分鐘，撈起備用。
(3)將3碗水放入煲中，水滾落豬腳，用文火煲1 1/2小時，落鹽後隔渣留湯，將芝麻末倒入湯中即成。

芝麻
炒芝麻會容易炒焦，要將芝麻炒香，就要用平底厚鑊，蓋上鑊蓋，讓火均勻燒熱鑊底，炒時用文火，並搖動鑊，當聽到啪啪聲，及聞到有芝麻香味時，則顯示芝麻已炒熟，要將芝麻倒出，否則芝麻在熱鑊中會變焦。

豬腳
有健腰補腳力，及補氣血功能。

可到下面網站，果度會部都係餵母乳既媽媽，佢地好熱心，不防上去睇下~
http://www.baby-kingdom.com/modules/newbb/viewforum.php?forum=35

另外，"母乳育嬰協會"唔知你有冇聽過，如果有問題可以打電話去，佢地有義工直接覆電話比你~
http://www.breastfeeding.org.hk/
電話：2540-3282

我都係母乳媽媽，我bb已經兩歲半喇，希望你餵得成功la~

想增加母乳其實好簡單架!!!你可以去睇中醫,同佢講想增加母乳,我之前都試過,的確唔錯,我飲左之後d奶上得好好!! 咩藥材我就唔記得喇!! 不過食中藥之前,一定要兩小時之後先好再餵BB 呀!!
如果你想增加奶量
1: 首先應盡早(產後一小時內)開如餵哺。
2: 因應多求名供的原則，讓嬰兒多吸啜。初生嬰兒於首數星期每天平均大約餵哺10-12　　次。晚上也餵母乳，更鹿剌激母乳分泌。
3: 因應嬰兒需要餵哺，嬰兒有覓食的動作便開始餵哺，無順等待嬰兒啼哭，不要定時間　　表，也不應計時。
4: 正確的餵奶姿勢。
5: 盡量兩邊乳房都餵，令乳房多些剌激。但必須在嬰兒停止吞奶時才可轉換另一邊乳房。
6: 出生至4-6星期也不要給嬰兒假奶咀或用奶瓶餵哺。以免引起乳頭混亂的現象。
7: 媽媽應爭取時間休息，特別是當嬰兒睡覺時，家務盡量安排工人或家人處理。
8: 保持心境輕鬆愉快，不要過勞或緊張，因這會影響奶量的。
9: 飲食要均衡及水份要足夠，以確保母乳的質量，及避免進食減少乳汁的食物。

至於減少乳汁的食物分別有：
朱古力、咖啡、濃茶、易產生氣體及濃烈味道的食物如洋蔥、棷茱、蜜瓜、咖哩、辛辣類等。

泌乳激素最好唔好打喇！！因為始終唔完全，亦唔知對你有咩影響。