抄功課既對話

曉光: 喂......明，借份功課黎抄呀! 今日要交，但我冇做!

明: 梗係唔得啦! 功課係要自己做先識ga ma，抄係冇用ga! 不如你直接同老師講你唔記得左做啦，咁最多都係俾佢罵兩句，總好過俾佢發現你抄功課，係咪?

曉光: 唔好啦，我唔識做呀! 仲有呀....我已經欠左好多次功課，再俾老師知道我又冇做功課，佢一定會罵我ga，可能仲要見家長! 你係friend既就借俾我抄啦!

明: 冇得傾..你唔識最多我教你!

曉光: 算啦! 我問其他同學借，你都唔夠朋友ge，朋友應該互相幫助先岩!

明: 我就係因為你係我朋友，我先至唔借你抄，我唔想害死你!
你而家抄左我d功課，你就少左一個學習機會，到考試你就會唔識!

曉光: 咁又係.....對不起! 我唔應該問你借功課黎抄...更加唔應該話你唔夠朋友.....

明: 唔緊要啦.....最重要係你明白.....唔好冤枉我!

曉光: 明.....你係我最好既朋友!

明: 你都係...........你話你唔識做功課，不如我教你呀!

曉光: 好呀! 謝謝....!

明: 不用客氣! 朋友是要互相幫助的!!!

是短劇嗎...
那麼我就盡量短了...
那些舞台說明我也不打了...
用口語...
曉光:死啦,尋晚唔記得做數添,瞓着咗...仲好難架,點算呀?
明:hey,曉光,早晨喎,今朝禁早返嚟既?
曉光:啊,啊係咩?唔...ah係呀阿明呀...
明:下?乜事?
曉光:啊,冇乜,係老友呀嘛,係咪?
明:老友,梗係,做咩?
曉光:啊冇,只不過我尋日唔記得做嗰個數學,eh,想借你嗰個嚟抄下...
明:下,抄我嗰個?
曉光:係呀,人地都唔會借俾我架啦,我知你實借既,係老友嘛...
明:唔得...俾阿生知道鬧死呀,你自己做啦...
曉光:我唔識做呀...
明:都係唔得le...
曉光:喂,係咪咁呀,咁唔夠friend?
明:唔理啦,你自己搞掂佢啦.
曉光:原來你係啲咁既人,我明啦,心淡呀,今日我終於都見識到啦...
明:喂,唔係喎...
曉光:老友有難你都唔救,估唔到你係啲咁既人!
明:喂你冷靜啲啦曉光,我先嚟同你講清楚.你自己唔記得做功課,家陣你問人借黎抄,咁人地冇義務要借俾你架嘛, 因為首先係你自己唔啱先,人地有權唔借架喎.
曉光:我明,但係你係我老友喎...
明:雖然我係你老友,但係老友嗰啲係互相幫助,而家如果我第一次借俾你既話,你以後都會問我借,久而久前,功課你就會唔識做,咁成績差又升唔到班,我都唔想架.功課就係為咗要訓練你自己,知識係你既,要靠你自己爭取,要你自己努力過至得.明唔明?
曉光:唉,得啦,我知係我錯,我尋晚瞓着咗,但係我都唔想欠功課呀,只此一次,教我啲重點,得唔得?
明:咁就得,快啲啦老友,開工啦...


可能我這篇"劇本"真的很爛...但是我是發燒友來的...

曉光:阿明，你可唔可以借你份功課黎抄呀，我冇做呀，唔該啦!!
阿明:唔得!!!!!!!被teacher發現會記小過，梗係唔得啦!!!!!
曉光:嘩......你都唔夠朋友，朋友梗係要互相幫助啦......同你絕交呀啦!!!
阿明:唔係呀，抄功課係唔岩，因為功課自己做就會明teacher上堂講咩野，但係如果抄人地就咩都唔明，始終都係對你冇好處，咁你肯唔肯?
曉光:啊......我知錯啦，對不起呀......
阿明:唔緊要啦，知錯就得啦!
~完~