想問關於射波

我同你有點似，我是右手ｋｅｙ　ｂａｌｌ同左手射波．
而我起初都有右手阻住射波的問題，這會使個波偏離原本的方向，雖然都可能會入，但要準就好難，尤其是有人ｍａｒｋ住，所以我最後就試下只用一隻手去射波（我的左手），當然要練，使自己習慣不會被右手阻住．你可再選用邊隻手射波．
之後你可以再用番另一隻手扶住個波，同理可以練下一接到波就射（找人幫你，順便比ｄ意見），可以幫助你射球的熟練度和實用度（因會有人ｍａｒｋ你）．
如果你仲係射得吾遠，咁是否你太細吾夠力．如果不是，你可以試下力由腳起的道理，即是屈膝到射出時，注意腳的姿勢．因屈多ｄ是會大力ｄ的．而手腕的力也不能忽視．
不過你也可在籃球場看下別人點射波（實戰例子始終都有用）．
希望我的答案可以幫助到你．加油！！

5...原因可能係左手出力既時候方向去左右手邊
一係就右手用力去左左手邊

呢個時候
你可以
左手單手用中指,食指同拇指托住個波
以食指為中心(同籃框係同一直線)
中指係側邊,拇指就微微岔開放係底部
然就慢慢舉起左手,,,好似起手咁
係呢度停一停
檢查一下自己手指既擺位
同重心係咪落係中,食,拇指度
仲有睇下前臂有冇"咩"到
前臂應該位於由地面直不甩標上泥既一條直線上面
手肘大約呈90度角
手腕都係
手腕,前臂同上臂(唔知叫咩名=.=生老鼠仔果度)就好似一個爭咁一條邊既正方形咁~
好la~擺好隻手
跟住就到身體.....
身體慢慢咁微微座低(力從地起0.0)
跟住就到出手
腳向上伸...同時出手
身體同手既動作係同時動行既
射果陣
應該以食指做個波最後接觸既地方(個波順勢咁由托住用手腕力被推出..食指為終點)
中指同食指係旁邊負責幫食指出少少力(比食指用得少力)
出手時手腕好似啄人咁向前方fing
道力好柔軟~
咁你個波就會直線出.....
同埋係三分線度都可以充分咁用晒全身既力
唔會話唔夠力la@v@
用呢個方法投球
太約投300~400球左右
直至每次一接波諗都唔使諗就用呢個方法射波
咁就為之成功A_A+
ps*千其唔好用無名指同尾指
咁樣你個波旋既方位就會唔同左
如果要用無名指同尾指做出正確既下旋
咁就要用身體就返個位
咁個身就會"咩"左

左手搞掂就到右手la~!
首先左手單手做準備起手動作(如上)
跟住右手放係個波側邊
試下唔理隻右手..當得一隻左手咁射
如果射果陣feel到右手阻住晒
下一球就要用盡力逼右手行開
同樣地
係咁射直至完全成為自然反應之後
咁就大功告成la>口<"

建議你自己一個去練習
同量力而為
最重要係保持自己心境清淨
咁先可以好專心咁練習~
慢慢泥唔好急
任何技術都係通過幾千幾萬次既慢慢泥先可以做到行如流水架~!
加油>v<+

丫...重有.....
如果想起手果陣可以快d用到正確射姿既話
握球一定要好準確
一拎到波雙手就已經擺係應該擺既位置
如果拎波動作做得唔好既話
有可能直接影響到射姿@@"