如何選擇新貓與現有之5個月大貓仔作伴?

我而家有2隻貓, 係唔同時間帶返屋企架.
當時大貓男仔一歲半左右, 小貓都係男仔就得個幾月大..
初初大貓會好嬲好大反應, 會惡隻新成員, 仲分分鐘打佢(不過我個隻大貓冇出到手). 所以我suggest你買個籠, 將隻新成員放係入面, 之後比養開個隻自己去探下新成員, 當時我個隻大貓, 成晚係個籠到望到小貓實一實, 一步都冇走開! 要令養開個隻知道佢唔會因為咁而失寵, 錫佢多d
不過大概2日左右, 佢地就friend左啦.. 半年後既而家.. 去邊都一齊.. 好好感情!

所以我覺得choose細過佢and同性, 同埋如果係女仔.. 我怕養開個隻會對佢不軌,, 因為佢5個月都大個仔架啦

你現有五個月大男貓b,咁我提議你再養要攞隻女嘅貓b,仲要一定細過你個隻之得.
因爲貓有天性係會讓bb架,但係你養緊個隻都係大b,所以就建議你再養就要隻女貓b.
因爲尼D係我嘅經驗,話說我係五,六年前當時已經有五隻安歌拉,係四男一女係一家人呢架父母有五歲,大仔四歲多D,最細對孖仔都有两,三歲.咁橋有人唔要隻波斯貓仔(當時都係两三歲),一心諗住接養埋佢囉,最初頭個三幾日我D安歌拉都好驚隻波斯仔,再相處落嚟就打到飛起(唔係講玩架),大概要一年到至有D好轉,係尼年內裡佢地日打夜打日嘈夜嘈,仲要同隻波斯仔出入左五,六次貓診所(有两次仲要做手術添)因爲佢比其它貓打得好傷.我自己都好唔開心,好似好心做壞事咁.但係唔知點解每次受傷都係隻波斯仔.第二年之後情況已經比我控制到喇.呀唔係應該係比我支沙藤控制到至真.我問過獸醫點解會係咁,佢答我因爲貓界都係異性相吸同性相距.如果大貓同bb貓係都係同性情況都好D.相反大家係同性而年幾又差唔多大就一定大打出手.原因係個五隻安歌拉覚得自己係高貓一等唔接受外來嘅貓,外來嘅貓係佢地眼中係次一等咁話.
最後記住攞新貓番嚟要用貓籠困住一至二星期,目的係等新舊貓有個適應期.