西施狗-應該食邊隻狗糧(干)好?點樣可以令佢d毛靚d?-(20點)

你狗狗而家食咩牌子?
你可以考慮下timberwolf，佢有好多防敏感配方係for不同身體毛病既狗狗
仲有foundation啦，recipe啦，fromm啦都好多人推介
我果隻狗狗而家食緊artemis撈canidae，都ok啦，佢幾鍾意食artemis
artemis都唔錯，canidae係好好的，係一等一既優質狗糧，食左之後連d屎屎尿尿都無咁大陣味同無咁油架
再唔係你可以試下organix，好野黎的
以上呢d牌子既糧全部都係成分天然的，一定可以改善狗狗既健康問題
不過始終都好睇隻狗狗適唔適合的，其實你可以拎d sample黎比你狗狗試下，如果真係食得好先買都唔遲
sample通常係你去d寵物展時會有狗糧參展商，你可以問佢地拎sample
不過呢排好似未有寵物展，如果你真係想試下，你可以直接打去果d經銷商度，問下有無sample拎黎試，佢地應該好樂意提供的

總結以上，我既首選推介會係:
canidae，artemis同organix
值得一試既有:
timberwolf，foundation，fromm，recipe

至於毛毛既問題
有好幾個因素會影響架bo
1.我想知你幾耐同佢沖一次涼先?
狗狗唔可以沖得好密架bo，睇書話最理想就係一個月同佢沖一次
我都係一個月先同我隻狗狗沖一次，不過夏天就會密d，2星期左右一次
最密都唔好密過一星期呀，咁樣佢皮膚d水分會流失，易有皮膚病，亦會影響毛毛既生長
2.同埋用完狗狗專用沖涼液之後要用埋護毛素，如果佢d毛比較dry，可以落兩次護毛素，咁樣等佢d毛可以潤d
3.如果你覺得而家隻沖涼液唔好，不如試下轉個另一個牌子 ，其實d人通常會另外買野滴落狗狗度防虱，最常見既brand有frontline，每月一次，可有效防止多種虱埋狗狗身
始終d野分開用，功效會好d
4.營養唔夠都會影響d毛毛生長，所以你睇下轉糧會唔會有幫助
5.呢個都好有可能，就係你執番黎隻狗狗係一隻老狗
始終歲月不饒人，老狗既毛毛一定會比較dry，可以買d漁油丸比佢食，都有幫助的
如果你懷疑狗狗既年紀，可以帶佢比獸醫檢查一下，醫生大概都可以話你知你隻狗狗幾多歲
不過希望你唔好因為狗狗年紀大而唔要佢或者送走呀... ... please please please... ...
否則佢只有死路一條架咋... ...

2007-02-24 23:27:33 補充：
仲有補充，你日日都要同佢梳毛，加速佢既血液循環，咁樣毛色都靚d架~~我唔得閒幫我隻狗狗梳毛果排，佢d毛真係無咁靚架但係我呢排得閒慢慢同佢梳，d毛色真係靚到殺死人~~

我隻北京狗就食開candidate, 呢隻都係天然糧, 食完d便便都唔算好臭.

我好同意上面位仁兄所講: "千祈唔好聽d sales 講" , 因為佢地只會sell 最賺錢ge糧俾你, 我之前都中過招.

其實想佢d毛靚d, 可以俾多d有營養ge野佢食, 不過我提意你去圖書館租本書睇, 睇完之後真係會學識好多野. 你可以試下每餐撈d 磨碎左ge carrot俾佢食, 西芹都食得ga.

另外, 如果佢依家太瘦, 你可以撈d狗罐頭落去狗糧俾佢食, 不過記住唔可以餐餐食, 同埋唔可以日日食, 如果唔係, 狗狗會癡肥ga.

希望幫到你啦

SOLD GO天然糧之中都算ok啦~價錢都唔錯~
不過我隻狗食緊timber wolf[唔知有冇串錯= =]
天然糧~入左美國十大~
不過就貴d囉= =

或者有一隻比sold go更好既~!
5lb~100蚊~簡稱叫nv~
你去問下人啦~唔錯嫁~

你隻狗係執返黎的？？請問有無幫狗狗找返個主人呀！！！post上網問吓啦！比返人哋呀！！！狗仔可能掛住主人唉！
至於食邊隻糧？我就話牌子唔重要，最重要係天然糧或者係魚肉+雞味的糧，可以去狗店取些Sample比佢試吓先買！唔好一次過轉糧喎狗仔會痾唉！
註：魚肉+雞味的糧對毛及皮膚好有益，有美毛同抗敏的功效。。
至於 沐浴露可選有珍珠成份的保濕的洗毛水同佢冲啦！約$180-$200( 750ml)

買皇家啦,d屎屎冇咁臭ga,同埋一定唔可以比人食ga嘢佢,由其係飯...如果食開咗,後果好嚴重,唔信你可以try 下,

其實每種狗糧都會講到好好咁...
而我就俾我隻松鼠狗食Soild Gold(素力高), 因為呢隻牌子出的糧係純天然架...
對狗狗嚟講, 天然既糧係好重要架...
呢個牌子既乾糧係有分年齡食, 所以你買俾你隻狗狗食果陣要小心啲唔好買錯呀...
因為狗仔每到唔同年齡都需要唔同既營養架...
而你果隻西施狗同我隻松鼠狗都係屬於小型犬, 所以應該食"素力高小型犬成犬乾狗糧",
(個包裝紙係閃面粉紅色架...成份 : 三文魚、糙米、芥花籽油)
你最初買俾你隻狗食果陣可以買最細包既size囉...即係4磅...大概$90...

如果你去狗舖買果陣記住唔好亂聽d sales講邊隻好邊隻好呀...因為佢哋sell親俾你果d都一定係唔好架...記得要小心呀...！！！

而你話邊隻汁浴露好既話...我都係用soild gold呢個牌子架...
荷荷巴皮膚油&毛髮護髮素

荷荷巴油能滲透入皮膚的深層幫助重新建立受損的細胞組織，在使用洗頭水沖洗後，也可以使用在乾燥的毛髮如同洗髮露和修護水。

功效 :
* 唯一能夠滲透三層皮膚而有助及修補受損細胞組織的油脂。
* 洗浴後，用作護髮素，不用全部沖洗乾淨。
* 稀釋後可搽於騷癢處止痕。
* 不會刺激清潔者雙手。
* 令披毛柔順亮麗。
* 貓狗適用。

我隻狗狗用完之後d毛真係好咗架......你可以試吓！
希望可以幫到你啦...

多喝水~將干糧加我哋吃的飯!!!