如果養一隻被人養過２次的狗，應該點樣教佢？？

如果我冇理解錯，你隻狗狗係換過兩個主人才到你接手，對嘛？

我隻金毛尋回犬，１１個月大返來時已經換來５個主人，理應都好難教，因為被遺棄過既狗狗心理會好大變化，變化既程度有大有細，程度係好睇佢經歷過咩事囉！但我可以話你知，我既金毛係冇人話佢唔乖仔既！

可能你覺得我自誇，不過我從不認為有『教唔好既狗狗』，
我只認為有『唔識教狗既主人』囉！『難教』，都唔代表絕對冇得教好！
咬人既狗狗都難教，但只要你識正確既方法，好多既耐性，咩狗都可以教得聽聽話話！

不過你就咁問會唔會好難教，都真係好難幫到你，你要講出佢既問題先可以實際咁分享大家既方法啊！

通常比人遺棄過的動物會比未被遺棄過的動力更聽話、更易教！
首先你要同佢講，你而家係佢新主人，會照顧佢的一切，唔會再有人唔要你、唔錫你！要用行動話比佢知道！
你呢個品種唔難教，但係要比d耐性，如果教得好，佢會好聽話！
我而家隻松鼠狗都係比人遺棄過，但係我唔知道我係第幾個接養，06年10月到而家，隻狗已經6、7歲喇，抱佢返去第二日已經跟我，好乖，但係始終都要比d耐性等佢識應你呢個新主人，要佢慢慢習慣，因為狗狗本身都會唸你呢個主人會唔會再遺棄佢！

我好同意文迪咁講,比d心機一定得ga,如果你錫佢,佢一定知ga,同埋同佢傾多d計,唔好dd嘢就丙佢,因為佢已經好慘,同埋越丙佢就越唔聼話,比心機呀..我有3個99,個個都好乖

約瑟好聰明架,你俾D耐性同用D野食黎引佢....同埋一開始教D簡單野~好似俾手,企係到果D...之後先黎轉身之類