咩係靚的人,咩係唔靚的人

本人都覺得靚同唔靚真係好主觀, 同一個人可能有D人覺得靚, 有D就唔覺得. 不過, 根據本人問過其他人的意見 (非常非正式統計), 歸納出幾個共通點:

1. 順眼 (即係唔好整色整水)
2. 自然 (即係唔好作狀, 表現到真正的自己就得啦!)
3. 鍾意笑 (我見過一個我覺得幾靚的人, 一發脾氣即刻變得奇醜無比) 或者可以演繹為心境開朗或心地好
4. 仲有D第一眼睇落唔覺得有咩特別, 但越睇越襟睇. 我相信呢類應該叫做內在美, 係要越同佢相處先覺得佢靚

不過, 無論如何, 我一定唔會覺得衰格, 自私, 心地差的人靚!

講到底, 我終歸覺得靚呢樣野真係各花入各眼, 所以都好想睇下其他人點講, 希望多D人回應呢個問題啦!