想做秘書的途徑

做Sales Coordinator真係幾打雜架，班sales顧住call客，剩番D”下欄”嘢俾晒你做．
Anyway，個人認為，如果有得讀MBA，梗係讀MBA好過讀Secretary嘅Training啦．讀完MBA，可以試下搵Management Trainee嘅工，做得好有機會做管理層，做Secretary，要入管理層，要好有運同埋老細好睇你先得，如果唔係，做一世都係做Sec.，最多係做大Sec. 唔係做Sec. 仔．
你可以考慮一邊搵工轉，一邊搵書讀嘅．三十歲轉行唔算遲，而且，你以前識嘅嘢對你搵工一定有幫助（D老細都會希望自己個Sec.識多幾瓣嘢，如果你做番同一個行業，只係做唔同post，咁就更加有優勢啦，起碼老細講起嘢上黎你都明，唔使由頭講起，或者任你盲摸摸唔識做做錯嘢）．你都可以考慮同而家間公司嘅老細商量下你嘅計劃，睇下公司有冇Sec.位俾你做，如果有，又做得好嘅，咁唔一定要轉工嘅，如果冇，咁先考慮去外面搵囉．

秘書呢行都開始式微，你轉做秘書有乜用？公司秘書就另計啦，需求冇減過。依家啲sec同做coordinator﹑office assistance﹑receptionist... ...差唔多，乜都要理，除了做公司事，又要為老細做私人事，計落都好煩。依家公司請sec，大多請junior secretary，你年過30都唔駛諗啦。你唔想做coordinator，不如轉做merchandiser﹑customer servicer啦，對你來講，有前途啲。

2007-02-22 16:37:10 補充：
你讀mba，去做sec，都唔係好有關係。讀mba就做management既事，人工都有差距啦。