想請問global language有什麼不好?(10點)

如果全世界只有一種語言, 即係呢種語言之外的所有語言(e.g. 方言)都會無晒, 咁最大的唔好處咪就係有一D傳統的文化/知識可能會消失囉

D人學神學點解要學埋古希臘文, 都係因為好多經典係用古希臘文寫的, 要知道果D典籍真正的意思, 就一定要識果種語言...就好似, 你要將中國的一句文字翻做英文其實都可能係意思上有出入一樣

甚至一D小數民族的知識都係靠口耳相傳, 如果佢地的方言消失左唔再有人識, 咁佢地呢D知識亦都有可能會失傳

仲有一個問題出現就係一定有爭議, 就係究竟用邊種語言做global language呢? 呢樣要全世界的人有共識的, 如果各國都爭住要用自己的語言做global language, 咁樣又會唔會因此而引發戰爭呢? (呢個只係我的疑問)

另外, 我相信靠翻譯搵食的人會失業囉

暫時諗到咁多, 到我諗到再補充