相信人的命運是註定的嗎? 有什麼支持?

夢, 你所講係預知夢, 但係唔係真係預知? 心理學家認為這是自我實驗預言
命運係唔係真係註定? 信就係,唔信就唔係,亦可以話無答案
個人認為,可以係註定,同時又係可以改變,因你決定改變而改變
例如半夜1點,肚餓想食宵夜,你可以選擇自己煮公仔麵,又可以選擇飲左雪櫃支豆漿,又可以選擇落街麵檔食
公仔麵買左係度,並唔代表你要食佢,你食與唔食,都註定會買左返黎,同樣支豆漿唔會因為你今晚肚餓而放係度,可能同時你屋企人又起身,咁就飲左佢,變左你無得選擇飲豆漿
若你選擇落街食,公仔麵同豆漿仍然會存在家中,並唔會因為妳選擇落街食而消失左,落到街你又可以突然轉去7-11買杯麵同lemon tea,咁麵檔同食緊麵既人,又唔會因為你選去7-11而消失,但你選去麵檔的話,你就會遇到係麵檔既人或當刻發生既事,又唔會還到今晚係7-11夜班既店員
咁你會選擇咩野? 你一樣可以選擇飲杯水,之後再訓過喎
咁麵檔,公仔麵,豆漿,係唔係預定左你今晚肚餓而存在?你可以話係,又可以話唔係
命運係唔係真係註定?? 世界上無偶然,有既只係必然,在乎你的選擇,你的決定

人o既命運絕對唔係註定
你所指o既叫預言夢
發完夢不久之後係現實發唔發生
呢樣就睇件事o既緣係輕定重
緣,亦可以叫機會率
如果緣份重,當然會較高機會發生
但並唔係註定
如果緣份輕,亦會有機會發生
無論輕定重,都一樣可以改變

我舉一個最有力o既例子
命運註定你係後日會比花盆掟死
但你呢三日內你都唔出門口,你屋企又冇花盆
咁搵咩掟死你?又或者你今日or聽日即刻上34樓跳落街死左佢
亦改變左個未來喎,人死又不能復生
點用花盆掟死你?(34樓跳落街基本上個頭都會甩,生存機會極接近無)

命運註定你未來做生意會大展鴻濤
但你今日到未來,咩都唔做,做隱青,一直打機
你點樣大展鴻濤?

最後一個,命運註定你會做乞兒
終生乞食,但係你拎綜援,點都唔駛乞食掛?

唔係，因為發既所有夢未必一定實現，所以理論上，就唔一定會註定的

呢d野就要看你信不信
打個比喻（係好既）
你信既，就會以爲呢d全部都西係上天安排
5信既，就會以爲呢d係自己努力得黎既成果