請幫忙解夢.....

用戶33690

2007-02-22 10:43 am

現實中同男友岩岩分手, 我想復合, 都有提出過, 我有掛住男友但唔會成日夢見佢

今日發左個夢, 夢入面開頭我男友唔理我, 好似係我約佢佢唔肯見我, 夢中既地點好似係個泳池館有幾層幾大下, 後來夢見我響池邊見到我男友, 我話幫佢拍左個佢岩岩游水既短片, 我地一齊睇, 個短片係佢響個滑梯度轉緊落黎, (講清楚d, 果個係一個旋轉滑梯幾高下, 滑梯上有小小水轉落黎係個泳池果種) 佢睇完個短片幾鍾意, 跟住我講左句"我對你幾好幫你拍短片" 仲要求佢錫我一啖, 佢都有輕輕鍚我一下, 跟住鬧鐘響個夢就完左... 依個夢既時間應該係早上6點至7點半

我聽講夢係同現實相反, 但夢入面我男友又采我又唔采我即係預告d咩呢, 同埋泳池同旋轉滑梯有冇咩預言or解釋? 請各高人指點或盡量分析依個夢, thanks!!!

回答 (1)

eppie7788

2007-02-22 2:01 pm

✔ 最佳答案

個夢甚為詳細,但再詳細也不見得有甚麼作為。造夢只不過是反映你對他日思夜念,反映你記掛住這個已然分手的男朋友仔。夢中,他對你愛理不理(又睬你又不睬你)不正是你倆分手前他的轉變你的閉翳。甚麼場景甚麼設計(泳池和滑梯)幹啥要預言有甚麼值得探討的問題,有甚麼科學確據要做索引要思量仔細。醒醒吧!你現實中都試過箍煲想復合想男朋友返返嚟,他去意已決,不論你接受與否,既成事實你縱留戀再糾纏實屬無謂。告訴你,像這種ex-boyfriend的夢將會間歇性地繼往開嚟。
化解方法:忘記他
忘記方法:時間+參加活動再結識一個真正愛你的男仔

2007-03-03 22:32:43 補充：
這答案很科學喔!

👍 0 👎 0