通常男女結婚年齡介於幾多歲?33歲仍未有男朋友是否很遲怎麼辦?其實私已經好努力結異性,但由於自己要求高,

通常男女結婚年齡介於30-35歲,33歲仍未有男朋友就應該多點出席社交活動去結識多一點異性,緣份天注定,你唔使擔心既,緣份來了,你怎麼躲也躲不了

如果你單單為了結婚生育而要急於結婚, 那麼就算你急急找著一個所謂的「對象」,
都不是一件好事。
其實緣份是由天註定(好老套), 未遇到都沒有法子,有時單身又未必不是好事
你說的「要求太高」,都有可能, 我自己都是女性,我明白女人當然想找一個比自己叻的男人
唔係可能就會想: 我要佢黎做咩呢...
但作為一位33歲的女性(請不要介意我的用詞可能不好),
很有可能自己本身已有一定的事業基礎,
而年紀適合的異性又可能已婚或者有穩定的女友
可以選擇的對象自然想對地少了,

其實你可以嘗試放下所謂的要求
十個女仔, 十個都話心目中有個白馬王子,他要點點點, 點點點
但現實其實很多人的另一半,都不是她原先想像的一樣的,甚至差很遠也不一定
有時0的野,要你自己同對方相處落,才知道什麼才真真正正適合自己
試下放開一點, 有時可能出去食下飯,大家當做個朋友,再決定有無機會走埋一齊都唔遲
唔好下下都諗住結婚呢樣野做大前提
咁樣會對你有幫助架~

雖然我是一個廿多歲的女仔講既野唔知夠唔夠成熟,
但係我以前都成日諗住要咩對象, 結果我現在的未婚夫都不是那一類人
有時0的野, 放開一點懷抱,會好一點的。祝你好運!

唔好介意我咁講丫,你33歲都係要求個男友外在條件要滿足到你的話,我唸唔會個個人都咁好彩可以搵到個岩自己架lor,你咁大個人都未明白呢個世界架男人有樣有錢又鍚女朋友架,唔係淨返好多架咋,呢d真正架好男人絕種架啦!你自己都講"真的不想將自己下半生幸福交給不合適的對象",好簡單啫,咁咪唔好結婚lor!
有時候,緣份架野係迫唔到架,我表姐好靚女架,今年39歲,佢岩岩生左BB,但係佢37歲先結婚,佢自己係香港一間外資公司架大秘書,一人之下,千人之上果d,佢老公係月薪同我年薪一樣架人,天作之合喎!但係我唔羡慕,因為我得23歲都知,一個咁好架男人一定會有佢架缺點,但係我咩野都唔知,我只係知39歲先生bb,我唔會淨返好多時間對住我架仔女,所以去到呢個年紀我情願唔生,就等於你可能見過好多好男人,要再等一個比以前更好架男人先可以令你死心塌地架話,咁咪等lor!
怪不知d香港男人成日話香港女仔要求高,所以要北上尋妻啦,其實有一個鍚自己架男人己經好足夠,佢有樣有錢有樓仲有埋車架話,我想信佢一定大把選擇,亦都未必有機會揀到你lor!若果你33歲都仲要將另一半架樣貌放係first priority架話,咁我覺得你好天真,好男人咁易俾你搵得到架話,我相信你唔會係到問一個咁架問題!
仲有,唔知你有冇聽過一個故事,有一日,有個天使同個女仔講,行入森林後你會見到8個男人,佢地架樣貌同身家都唔會排先後次序,但係每一次你見到一個男人後,你唔可以再見返佢,你要係呢8個男人內揀一個做你老公,但係你冇得返轉頭,揀好左亦都唔會再有得換同埋冇得後悔,呢8個男人可能會一個比一個差,亦都有機會一個比一個好!個女仔開始入森林,佢發現頭7個男人無論身家同樣貌都一個比一個好,於是佢7個都唔揀,當佢見到第8個時,個男人好愛佢,但係原來佢係一個一無所有架窮光蛋!呢個故事教人珍惜眼前人,好男人唔係咁易有架,唔係個個都可以嫁入豪門做少奶奶,想做少奶都要自己有本事同條命生得好先得架!

我覺得喜歡一個人係無特定形象,你可以問下你身邊既朋友,佢地身邊既伴侶有幾多個可以搵到自巳兒時心目中既白馬王子,不要被自巳心目中的白馬王子形象所規限住,你要知道你揀人時,人揀你,什麼是不合適的對象,不要太流於表面,人總有長短處,有時要相處過オ知道結果,或許你搵到個喜歡的,但又相處唔到,你唔喜歡的,但又可以遷就到你,不過你唔需要太刻意去追求,既然你都唔知道點解要結婚,不要為左任何一個理由去迫自巳,有時習慣左自巳一個人,到你要去為身邊人設想或者考慮,你會覺得煩,無自由.不要讓戀愛變成一件苦事,隨緣吧!

呢樣無標準答案架喎 , 不過玄 d 講句 , 你既真緣份未到o者...同埋都要俾d 時間相處,唔駛一開始就 list 要標籤人地既條件係咪 perfect match 自己要求 , 當做個朋友先囉 .....

不過都希望你個真命天子早日出現 ! ^ ^