我屋企電視好多雪花

揾管理處睇？佢地用肉眼睇?叫佢揾過管理處專職電工睇清楚先得，通常大嘅管理公司都有專職水電工。你有時甚至可以叫佢跟埋屋內嘅天線，當然你要識做。
其實做下列testing就知邊到出事。

先check清楚係唔係你部電視或天線接駁線有問題，換下線或換下第二個牆身天線位試下。有時天線或天線插鬆咗或少少short咗都會有雪花。
問鄰居電視接收情况，冇事嘅話，公共天線冇事。
有冇重新拉過或改動過屋內天線？有嘅話揾裝修師傅搞番掂佢，佢要負全責。
自己揾水電工跟都得，但喜歡DIY，你自己做都可以，香港法例禁止無牌電工做任何電力裝置的安裝及维修，但RF天線不是電力裝置，自己做冇問題。每條入屋公共天線入屋前都有T字位，而T字位一般都會外露以便工程人員做checking或駁線，叫管理員開個位(通常要鎖匙)畀你，你自己從T字位拉條獨立RF線直駁屋內電視，接收冇事嘅話就一定係屋內天線問題。
新大厦的公共天線都事先計好數，入到屋嘅signal係應該唔駛加任何放大器，所以加放大器並唔會解决問題。如果証明係屋內天線出事，就要試邊段屋內天線或天線插/splitter有問題。由於大部份天線入牆，你冇架生同經驗，一定要請師傅跟(淨係度TV RF signal strength嘅儀器已經千幾蚊)。希望當日装修師傅冇懶，唔係就咁鑿牆而用喉，如果唔係要重新拉線就麻煩。
N.B. 唔好自己買個一轉二幾蚊個嗰啲RF頭，一轉二唔係就咁加個幾蚊雞嘅頭。

加個插電的室內放大器！

大多數係條公用天線唔好. 再唔係, 就係入屋裝修個陣用嘅線唔好, 咁都有影響.