如果我冇野做...冇入息證明...點可以申請信用卡呀???

每間信用卡公司要求既年薪要求都唔同，一般都要係香港永久性居民 ，同埋年齡 18 歲或以上，附屬卡係 16歲以上

咁申請人要將以下既文件連同信用卡申請表寄返信用卡中心
(1) 申請人之香港身份證。
(2) 附有閣下姓名、戶口號碼、 銀行名稱，及最近三個月薪酬證明之銀行月結單/存摺。
(3) 現居住址證明，例如： 銀行月結單 。
(4) 其他資產證明 (如有)，例如：定存單等。

如果你有份正當職業，達到上述要求，有齊文件，冇不良紀錄 (信用卡欠款，私人貸款逾期等，信用卡公司都 check 到架，因為而家有個叫個人信貸資料庫，你簽左申請書，即係授權信用卡公司去查你架喇，咩野借款紀錄都睇到)...一般都會批卡比你
但係如果你冇入息，不過都有資產，例如一定數額的存款 (十幾、二十萬)，都可以將存款證明寄去卡公司試一試的。
另外，如果你係大專學生，就可以申學生信用卡...
如果都唔係，最後就只可以搵親人申請你做佢的附屬卡喇！


希望幫到你

如果你有足夠的資產證明都有機會，例如有５０萬存款等，每間發咭行都不同，要自已問！

無人會發卡俾你你如何還錢