牛仔褲新買第一次洗係咪會縮水, 大約會縮短幾多?

咁就要首先睇下你條牛仔褲係咪「洗前」(即unwashed) 啦
如果係洗前牛仔褲而你走去洗佢o既話
咁就百分百肯定會縮水
縮幾多？
應該3%左右(幾多就自己計啦)
( 但係如果你買洗前牛仔褲正常應該都唔會走去洗佢架 )

如果你條係洗左水o既牛仔褲呢都仲係未必唔縮添喎
咁就要睇你o既彩數同埋處理手法啦！
點解睇你彩數？
因為其實牛仔褲加工o既程序係咁o既︰

布->製衣->洗水->成衣

洗前布如果一洗水o既話就一定會縮水
所以控制縮水o既尾關就係洗水廠度啦
咁當然事先製衣廠要先預番佢塊布本身o既縮水率先啦
但係如果製衣廠d車衣工人唔生性
裁細左個碼少少
又或者車錯嘜頭
明明係中碼佢車左個大碼落去
當洗水廠洗完之後烘乾o既時候咁就中招啦
因為明明係大碼佢乾完之後發覺個碼數變左中碼 (呢個係比較誇張o既例子)
咁到左呢個時候洗水廠就要同佢地補鑊
點補呀？
咪唯有唔好縮得咁盡囉
等佢個碼唔好咁細囉 (為求走貨就係咁樣架啦，冇辦法)
當你如果真係咁好彩
買件衫買到番去果陣時佢縮水未縮盡o既話
咁就到你中招啦！(越黎越細囉~~~嘿嘿嘿嘿！！！)

其實呢d情況係防不勝防 (尤其係有彈力o既添，不單係牛仔類其他普通野都會有咁o既可能)
最好洗果陣有三樣野要注意o既︰
1) 速戰速決 -- 條褲係水停留得越耐就越容易縮
2) 必須冷水 -- 最好唔好用熱水洗，因為越高溫o既水越容易縮
3) 必須晾乾 -- 最好唔好用乾衣機，因為越高溫去乾就越容易縮

請緊記！！

新買的牛仔褲第一次未必一定會縮水
要睇下你條牛仔褲原本有無洗過水，同埋是否彈性牛仔布而定
uniqlo點都算係日本牌子縮極都有界唔會太多.......
有可能長度縮1/2" 或 3/4 " ，而闊度就只會好少好少 (彈性布好除外)

如果你條牛仔褲係unwash (冇洗過水), 咁用冷水洗左之後會縮2寸左右
同埋佢會甩色, 最好分開洗
已經洗過水既牛仔褲就唔會再縮水

牛仔褲新買第一次洗會縮水我就好少聽
但我D褲全部都係牛仔褲
買親第一次洗完我都冇察覺點縮到
反而我覺得會鬆左