藍莓芝士凍餅

1) 6吋既模係半磅, 所以唔同一磅既模家, 你可以度下模既直徑, 就知你既模係幾多吋

2) 餅底係將消化餅打碎再混合牛油, 係濕濕地嫁, 唔需要擔心

3) 如果同網上睇既餅底厚度唔一樣, 唔係買錯模, 只係可能你個模大過網上所教既模, 咁材料又用同一份量, 做出黎就會覺得自己既餅底冇咁高

4) 溫水坐溶既材料同室溫慢慢溶係無分別嫁, 只係時間快慢既分別

5) 我試過將淡忌廉拎左出黎唔係即時整, 發出黎效果冇咁好, 因為一拎出黎就整可以發到d cream好挻身, 所以我建議一拎出黎就整

6) 整出黎既餅比較簿,除左買錯模既可能性, 其他原因就如答案 (3)

7) 通常鋪完牛油紙, d人會用麵粉或者少少牛油塗一塗個模,所以拆牛油紙出黎,個蛋糕無掂到牛油紙,

8) 如果牛油紙易走位,會影響到黏唔到到牛油紙嫁

9) 我自己整凍cheese cake (冇用焗爐) 就冇落蛋, 所以我覺得你可以唔駛落

10) 材料個度寫淡忌廉，但你買左忌廉? 你指係甜忌廉定其他? 其實有d食譜會用酸忌廉, 我唔清楚你買左邊隻,所以答唔到你,

最後: 你試下上http://www.rthk.org.hk/elearning/dessert/cake_bbcheesecake.htm, 呢個係港台網上較你step by step 做家, 我都係照佢既做法, 一次就ok喇~

希望你都得啦