返大陸2-3星期不想用昂貴的飛線漫遊有什麼其他平的選擇?

你可以用IDD1507 佢地有個飛線漫遊o既service...
只要你有張大陸o既電話card就得喇~
而家佢地做緊promote有300分鐘送 分3個月 每個月送100分鐘俾你接聽電話o既~即係只要你呢3個月每個月接唔超過100分鐘電話都唔收你任何錢
你要提供呢個大陸o既電話號碼俾佢(呢個no可以隨時打番俾佢地幫你改o既) 每次出境前將條線飛去佢地俾o既一個電話號碼o個度...咁只要你一用大陸o個張card 所有人打你香港個電話都會飛晒去你大陸個電話度.. 不過無來電顯示架喎~
同埋你可以用完3個月就唔用都得~
我上個星期申請左因為我遲d都要番大陸做野 不過發覺打幾次先有一兩次係成功駁到去大陸個電話card度...打去問佢地佢地話係因為新年太多人用所以個網絡先會咁~會幫我跟進~不過 我覺得唔洗錢 都ok啦...同埋佢又會送埋香港鈴聲 我本身係用緊接駁鈴聲 飛左線之後都係用番同一個鈴聲~

另外1579都有飛線漫遊o既service架...不過就無得送分鐘 好似最平就接電話愧分鐘係3毫左右但就無來電 如果要有來電就要+多3毫/每個來電 就算無聽到個電話都收3毫架

如果你只係想知道你番大大陸呢個期間有咩人打俾你 我就會出境前cancel晒所有飛線 d人打黎我可以睇到來電 唔聽佢地電話 咁我可以選擇性用番我o係大陸個電話覆番佢地~我問過我個網絡供應商 佢話我cut線無聽係唔洗收錢~我用smartone..如果你唔係用呢個台咁你就問下自己個台咁做會唔會收錢喇~

希望幫到你啦!!

idd 1507 個電話係:21572157 通左之後按3字

過關後就在口岸的小賣店買張電話咭,買時講明要有國際長途的那種,要那些頗大路的品牌,例如:[中國移動]又或[神州行]...等等,如恐防受騙,你可以即場入咭叫店員幫你開通,
你會不會在當地打出,這點沒有什麼關係,張咭係可以打出的,只不過是你單獨作接收而矣.
電話咭的好處你還可以評估你的用量來買什麼面值的咭,有些還有回贈的,不過回贈期都頗長,要是你用量大,你還可以買增值咭增值.