你地會講d咩?? (10分急........)(10分)

我同你遇到既問題一樣, 佢屋企人仲用"怪人"泥形容我tim, but我依然係我行我素喎, 無野講咪無野講lor, 有咩問題, 突登去搵話題或是投其所好的話, 我覺得係虛偽, 好假, 造作, 仲咩要刻意奉承, 如果係咁你同sales and佢地係客有咩分別呀, 況且話題哩家野係要用時間去互相認識, 唔急得, 時間耐左, 相處多左, 就自然會多野講同氣氛融合d架啦, and我都係個唔識講野既人, 會講錯野就不如唔好講lor, 係岩架! 無謂令自己出醜, 令男朋友尷尬, 加上個d係你男朋友既家人, 我覺得你要比你真正個面佢地睇, 如果你會同男朋友結左婚, 你認為你可以呃佢地幾耐呢? "唔講野"係性格, 無對錯架..

總之, 我就係我! 洗乜驚!

但係千奇千奇要有禮貌, 見到人要叫人, 人地問你野要答人, 唔好唔采人, 笑容, 哩d都係必須有既個人品德, 我覺得咁就ok 啦!

必要時真係好dead air, 咪講下自己lor, eg, 工作, 你既朋友and家人等等, 讓人地去了解你

2007-02-26 04:34:17 補充：
有..但佢地都係接受我既

其實唔需要刻意去搵話題既,到時佢地會有d零碎既問題會問你架啦~
你客氣d,保持笑容黎答佢地咪得囉~
不過就唔好木口木面喎~老人家好唔鍾意架~
但千萬唔好一食完飯就急住走呀~好冇禮貌架~
如果到時真係冇話題,就睇下電視,食完飯,過半個鍾到先好叫走呀~

傻豬, 放鬆d啦, 見過面食吓飯罷了, 隨心隨意, 當時想講什麼便什麼, 他們說你不說話, 相信只是對你的一個印象, 不一定是認為你不好, 你想太多, 到時重緊張, 反而不好. 如果是專業人士, 便更加不要太刻意想一堆話題, 他們見慣世面, 你亂講嘢咪重衰. 另外, 唔識煮飯有什麼大不了, 現今一代大部份女仔都不大懂煮飯, 我結了婚三年都很少煮飯啦.
放鬆d啦, 我支持你.

如果你唔係咁識講野我建議你唔好主動發表話題,因為你講的話題唔知0岩唔0岩佢地,可能有反效果.你上到去可以幫手開飯或食完拾枱,或者可以從中加下分呢??除非佢屋企人係唔鍾意你,否則通常佢d屋企人會主動同你傾計,問下你野咁.唔會唔睬你或講d唔好聽的說話比你聽.總知一齊從心,順其自然啦,唔好刻意去做任何野,有d咩事你男朋友會幫你加麻.

問佢地鍾意食d咩~去開邊度食飯囉
之後話試下學煮比佢地食呀~咁囉
我諗食依樣野個個人都岩傾的^^
而且佢又會覺得你好女仔會煮野食