我隻貓嘔呀

你隻貓貓自己識唔識嘔毛?
佢既嘔吐物有冇毛?

一般黎講,
貓貓嘔都係因為要吐毛;
如果佢唔識吐毛,
佢食埋食埋啲毛就會頂住腸胃,
引致佢會食完就嘔,
嘔返晒佢食過既野出黎。

跟常我見到我隻貓貓嘔,
就會俾吐毛膏佢食,
佢自己再嘔返啲毛出黎,
跟住佢就冇再嘔架喇!

或者用啲有排毛成份既貓糧,
咁佢食完就會自動喺便便度疴返出黎。

又或者, 佢嘔, 係真係病,
咁就要留意佢好唔好胃口,
如果佢病, 就會冇晒胃口食野。

我隻大貓貓之前都係咁
試過餵o左好多o野比佢食
食完之後即嘔
所以而家都唔敢一次過餵咁多o野比佢食

嘔有多種原因:

- 食錯o野
- 嘔毛
- 飽得滯嘔糧
- 餓得滯嘔黃胆水
- 天氣唔穩定時冷時熱也會嘔糧(轉天氣情況會多些)
- 天氣冷時飲o既水太凍(冇加些少暖水)又會嘔水
- 腸胃發炎肚疴也會食乜嘔乜

你首先要留意及確定貓因乜原因嘔

第一.佢食得太多...
第二.你同佢玩得太癲,佢回吐...
第三.白色果d係胃酸,只不過係胃酸係吐出黎之前係胃度攪拌過有空氣...即係變左白泡..
唔駛驚~
等佢嘔啦~
嘔完,佢自己會飲水~
但係佢應該係消化不良...
你聽日帶佢去睇醫生啦~