「禽禽六」有冇正字嫁，書面語點講呀？

-禽禽綠-原本正式叫法是擒擒青!
後來有些人認為青綠都一樣,特別d改叫擒擒綠!
廣東話形容做事求勝心切,不理後果叫-喉擒,大驚小怪的叫-驚青,兩者加在一起是-擒青-意思是求勝蓋過驚恐!
因此-擒青-是形容做事心急粗心大意,一定會出錯的意思!
-擒擒青-或-擒擒綠-比擒青更甚,有飛擒大咬的意思,為達目的,不擇手段,不理後果!
例句.....-
1,喂,慢慢食呀,d粥好滾呀,咁擒青會淥親呀!
2,佢鬼唔係飲飽水咩,見到靚女就擒擒青跳落泳池,唔記得自己唔識游水!

拿,我講明靠估,信不信由你.
「禽禽六」嘅正字係「擒擒淥」,係解心急嘅後果.
三隻小豬裡面嗰隻大惡狼,咪「擒擒淥」囉,
佢「擒下擒下,擒上豬老三個煙囪,唔知下面有滾水,結果咪淥親個PatPat」囉!

意思係心急.書面上都可以咁寫