我隻兔仔好似好憎我咁 = =

你隻兔兔係成兔, 你需要多D時間同耐性同佢溝通and令佢順服, 佢亦要時間適應新環境, 畢竟佢o係另一個地方都住o左6個月, 去到新環境一定會好緊張, 佢同你又唔熟(兔兔會用聲音and氣味認人), 如果佢係男仔又未做絕育手術, 好多時都會擺晒戰鬥格.
我帶我隻兔兔返屋企時, 佢仲係BB來, 但都成日咬我, 開頭我都好驚, 但我睇書話一定要俾兔兔知道邊個係主人, 兔兔以後先唔敢亂來, 所以佢曳時我會大聲講"No"鬧佢, 如果佢咬我or 咬其他野e.g.電線, 我就會用手指彈佢個嘴, 等佢知道唔可以咁做, 久而久之, 佢就會減少曳o既次數.
除o左罰, 你亦要獎兔兔, 你日日都要摸下兔兔頭仔, 同埋用手餵下糧俾佢食, 摸頭仔同餵糧時就一路叫住佢個名, 等佢熟悉你o既氣味同埋聲音, 同時佢個名亦會成為一個令佢放下介心o既記號, 當佢聽到你叫佢個名時,佢就知到有野食or有人o錫佢.
慢慢地,佢聞到你陣味就唔會咬你, 只會哄你.

講得非常好~

佢有可能係發情喎
佢以前係咪咁架?

都可能係未適應新環境姐
兔兔係慢熱d既~~

唔好佢一走出黎就諗住捉住佢玩
可以俾佢探下你屋企先
如果真係想同佢玩
最好坐係地下
感覺好似親近d
同埋可以用手餵下糧咁啦

兔兔可能驚你隻手"入侵"佢個地盤呀
所以咁惡囉~~
你試下隻手一入去籠係摸下佢個頭
唔係搞佢d野啦~~

你要俾d時間同佢混熟架~~
不過都要留意係咪發情呀~~