銅鑼灣問題 10 點!!

由銅鑼灣mtr station點去信和啊??
你去信和廣場嘛。C出口。一出轉左去返波斯富街第2個街口。
你一出C出口會見到對面有美心、吉野家、寧記火鍋。過馬路後轉返左直行。如果你見到許留山、中國銀行咁即係行得啱。直行再過馬路就係信和廣場。信和廣場地下有間Vivienne Westwood , 好易認。

由銅鑼灣mtr station點去銀座啊??
去銀座同去信和差唔多。你去到信和後轉右入謝斐道。(你喺信和附近會見到翠華茶餐廳，行行吓有間7-11, 隔離附近就係銀座。

由銀座點去時代啊??
由地鐵由銀座去法相反行。你去到許留山望前面應該見到條行人天穚 (條天橋喺銅鑼灣廣場1期側面)。你行條行人天穚過馬路後你(會見到另一7-11, Walker shop, 永隆銀行) 直行第1個街口轉右過馬路，就會見到時代廣場。咁大座，好鬼易認。

由時代點去信和啊??
過馬路，過到DHC卓悅嗰邊行入右邊個街口 (波斯富街，有電車路), 你見到有間7-11, 永隆銀行同walker shop。你應該會見到條行人天橋。你行過行人天橋後。會見到對面有美心、吉野家、寧記火鍋。過馬路後轉返左直行。如果你見到許留山、中國銀行咁即係行得啱。直行再過馬路就係信和廣場。

打到好攰呀…

2007-02-23 13:43:41 補充：
銅鑼灣食嘢有幾間都OK。你去到銀座再向前行去總統商場個街口轉左。(景隆街)有幾間舖頭啲嘢食都OK。皇室吧、燕萍越南餐廳都幾好。價錢$30-$50e.g. 銅鑼灣如果唔去快餐店，啲嘢食其實貴貴哋。你係咪去信和neway呢？

不在銅鑼灣 是在旺角區吧
地鐵 銅鑼灣===>旺角/油麻地
信和中心 地址 : 旺角彌敦道 580 號
銀座廣場 (Ginza Square) 油麻地彌敦道567號