ada 黑泥脫色點算好？

我初初用ADA黑泥果陣重大鑊,成缸水變晒泥漿,後來攪問o左好多網上前輩同用o左二個幾禮拜先O.K, 不過而家用落 ADA 黑泥確實係幾正, 我又試下答一答你,睇下幫唔幫到你丫！

以下就係我當年我個衰缸由 黑泥水- 黃泥水- 黃水 - 清水 o既幾個步驟啦！

1. 黑泥買反o黎唔好洗,平鋪o係缸底,再放膠袋係面,然後慢慢加水, 千祈唔好攪動D泥,如果唔係就好似我初頭咁o架啦！

2. 加o左水之後你會見到好多雜質淨o向面, 可以用魚網撈走, 然後準備過濾器o既濾材, 由於剛放黑泥, 你應該會見到D水好似黃泥水咁色, 此乃正常現象,因為ADA泥會甩色o架, 千萬要忍手唔好攪D泥！

濾水器內除o左要有生物環, 一定要放大量活性炭及白綿(用o黎吸色及雜質),如果有兩組過濾就更好, 攪好濾材後就開動濾水, 起碼要花上三四日時間,D水先慢慢變清.

3. o係濾水呢幾日期間,可以每日換走三份一至一半o既水, 咁樣可以將懸浮o既泥粒子清走,令到D水快D清番, 另外就係加清水劑加速浮游粒子墜到缸底, 記住換入新水時要慢慢o黎,唔係又會搞到塵土飛揚o架啦！

4. 當你見到D水慢慢清o既時候(可能仍會有黃水o既情況), 就再換濾水器內的白綿及活性炭 (舊o既濾材o係呢段時間所吸收o既雜質已近飽和), 生物環就唔使換, 再加兩支蜂皇漿 (即硝化菌)係新濾材及生物環上, 再o係水中放清水劑, 然後可以做o既動作就只有等啦！

幾時會由黃水變清就要睇你個濾水夠唔夠力, 想快的話,又係每日keep 住換1/3 水,加清水劑, 我個36吋缸做到呢個步驟時就等o左四日同埋換o左五次水.

5. 水變清之後就可以放入幾隻蝦仔或幾條粗生o既魚去試缸,如果冇事就可以慢慢加魚及水草喇！

以上全是我個衰缸o既經驗, 希望從中可以有 D points 幫到你喇！